Hoppa yfir valmynd
Félagsmálaráðuneytið

Verkefnisstjórn NPA fundargerð 16. júní 2015

  • 81. fundur – fundargerð
  • Fundarstaður:  Fundarsalur á 4. hæð í velferðarráðuneytinu.
  • Fundartími: Þriðjudagurinn 16. júní kl. 11.00 – 12.30.
  • Mætt: Þór Garðar Þórarinsson  (ÞGÞ),  Bryndís Snæbjörnsdóttir (BS), Gréta Sjöfn Guðmundsdóttir (GSG), Inga Björk Bjarnadóttir (IBB).  
  • Fjarverandi: Guðjón Sigurðsson (GS), Gyða Hjartardóttir (GH) og Áslaug Friðriksdóttir (ÁF).

Áheyrnarfulltrúar: Ragnar Gunnar Þórhallsson (RGÞ) og María Hreiðarsdóttir (MH).

1. Fundargerð síðasta fundar

Fundargerð síðasta  fundar samþykkt með áorðnum breytingum.

2. Samantekt um stöðu NPA verkefnisins.   

ÞGÞ fór yfir fjárhagsstöðu NPA verkefnisins. Ljóst er að væntanlegar launahækkanir á vinnumarkaði munu hafa áhrif á fjárhagsstöðu verkefnisins. Ákveðið að bíða niðurstaðna í samningum á almenna markaðnum og á vettvangi sveitarfélaga áður en frekari umræða á sér stað um málið.

ÞGÞ kynnti einnig samantekt frá öllum þjónustusvæðum um áætlanir þeirra um fjölda NPA notenda á árinu 2015. Fram kom að þjónustusvæðin áætla að notendur geti orðið allt að 115 gangi ýtrustu áætlanir eftir t.d. m.t.t. fjármögnunar.  

3. Umsóknir um nýja samninga.

Nú liggja fyrir beiðnir um þrjá nýja NPA samninga frá tveimur svæðum. Fundarmenn voru sammála um að rétt væri að tryggja örugga fjármögnun núverandi NPA samninga og því væri rétt að bíða með frekari ákvarðanir um nýja samninga þangað til niðurstöður kjarasamninga lægju fyrir. Viðkomandi svæði munu fá upplýsingar um þessa afstöðu verkefnisstjórnar NPA.  Málið verður tekið upp á næsta fundi verkefnisstjórnar NPA í ágúst næstkomandi.

4. Málþing um NPA.

Rætt var um dagskrá væntanlegs málþings um NPA sem gert er ráð fyrir að verði haldið í október næstkomandi. Rætt um að fá lykilfólk frá hinum Norðurlöndunum til þess að vera með fyrirlestra. Nokkrir fyrirlesarar voru nefndir í þessu samhengi. BS og RGT ætlað að skoða málið fyrir næsta fund.

5. Námskeið fyrir NPA notendur.

Rætt um mikilvægi þess að NPA notendur væru sem best undir það búnir að vera umsýsluaðilar eða sjá um verkstjórn.  Verkefnisstjórn NPA samþykkir að útbúin verði námskeiðsáætlun fyrir notendur NPA.  Ákveðið að kynna slíka áætlun á ráðstefnunni í haust.  

6. Yfirferð draga að nýrri handbók um NPA.

ÞGÞ upplýsti að ráðuneytinu hefði borist erindi frá Sambandi íslenskra sveitarfélaga þar sem farið var fram á að umræðu um endurskoðun á handbók um NPA yrði frestað.  Fram kom að ákvörðun um endurskoðun á Handbók um NPA var tekin í lok síðasta árs og var þá óskað eftir afstöðu fulltrúa í verkefnisstjórn NPA. Jafnframt var upplýst að formaður verkefnisstjórnar NPA óskaði 31. janúar sl. eftir afstöðu félagsmálastjóra á Höfuðborgarsvæðinu til núgildandi handbókar og þeirra breytinga sem hugsanlega þyrftu að gera í ljósi þeirrar reynslu sem þeir hefðu af framkvæmd verkefnisins. Tillögur félagsmálastjóranna bárust verkefnisstjórn 15. júní  sl. Jafnframt var upplýst að formaður verkefnisstjórnar og áheyrnarfulltrúi NPA miðstöðvarinnar hefðu tekið það að sér að vinna tillögur um breytingar í ljósi reynslunnar og leggja þær fyrir verkefnisstjórn til umfjöllunar.

Á grundvelli beiðni Sambandsins og tillögu formanns var tekin ákvörðun um að fresta umræðu um endurskoðun handbókarinnar til næsta fundar.

7. Önnur mál.

  1. ÞGÞ upplýsti um þau samskipti sem átt höfðu sér stað við Félagsvísindadeild HÍ vegna úttektar á NPA verkefninu. ÞGÞ falið að ræða frekar við úttektaraðilanna vegna sérstakra áherslna verkefnisstjórnar NPA.
  2. Samantekt um stöðu NPA fyrir endurmatsnefnd. ÞGÞ lagði fram til kynningar samantekt sem hann hafði unnið fyrir endurmatsnefnd vegna yfirfærslu málefna fatlaðs fólks til sveitarfélaga.
  3. ÞGÞ og RGT falið að vinna hugmyndir um fyrirkomulag launamála þegar samningar liggja fyrir.
  4. Verkefnisstjórn ákvað að taka sumarhlé til 11. ágúst næstkomandi.

 

  ÞGÞ skrifaði fundargerð.

Næsti fundur boðaður 11. ágúst næstkomandi kl. 11.00.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira