Hoppa yfir valmynd
22.12.2015 00:00 Félagsmálaráðuneytið

Verkefnisstjórn NPA fundargerð 22. desember 2015

  • 87. fundur – fundargerð
  • Fundarstaður:  Fundarsalur á 4. hæð í velferðarráðuneytinu.
  • Fundartími: Þriðjudagurinn 22. desember  kl. 11.00 – 12.30.
  • Mætt: Þór Garðar Þórarinsson  (ÞGÞ),  Guðjón Sigurðsson (GS), Gyða Hjartardóttir (GH), Gréta Sjöfn Guðmundsdóttir (GSG) og Áslaug Friðriksdóttir (ÁF).  
  • Fjarverandi: Bryndís Snæbjörnsdóttir (BS) og Inga Björk Bjarnadóttir (IBB).
  • Áheyrnarfulltrúar: Ragnar Gunnar Þórhallsson (RGÞ).

Dagskrá:

1. Staða NPA verkefnisins

ÞGÞ upplýsti að samkomulag hefur tekist milli ríkis og sveitarfélaga um fjármögnun NPA þjónustuformsins (notendastýrðrar persónulegrar aðstoðar) á næsta ári. Hlutdeild ríkisins í gildandi samningum hækkar úr 20% í 25% auk þess sem ríkið bætir við fjármagni til að mæta auknum launakostnaði í kjölfar kjarasamninga.  Fundarmenn fögnuðu því að niðurstaða skyldi hafa fengist í málið og nú gæti verkefnistjórnin einbeitt sér að öðrum þeim verkefnum sem framundan eru. Í framhaldi var farið yfir helstu áherslur í starfi verkefnisstjórnarinnar á fyrra hluta næsta árs en þær verða eftirfarandi:

  • Undirbúningur lagasmíðar um NPA.
  • Klára þarf endurskoðun handbókar um NPA.
  • Endurskoða þarf leiðbeiningar fyrir sveitarfélögin um NPA.
  • Klára þarf vinnu við námskeiðslýsingar bæði fyrir starfsfólk og NPA notendur.
  • Ná þarf niðurstöðu í það hvernig aðkoma heilbrigðis- og menntakerfisins verður til NPA.
  • Móta þarf verklag við kjarasamningsgerð vegna NPA.
  • Skýra þarf betur verklag við úrvinnslu umsókna.
  • Reglur um starfsleyfi fyrir umsýsluaðila.
  • Notkun tæknilausna í NPA.
  • Verklag NPA við fötluð börn og fjölskyldur þeirra þarf að skýra.

2. Næstu fundir verkefnisstjórnar.     

Verkefnisstjórnin ákvað fundartíma fyrir fundi til marsloka.

ÞGÞ skrifaði fundargerð.

Næsti fundur boðaður síðar.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira