Hoppa yfir valmynd

Handbók um notendastýrða aðstoð

Félagsmálaráðuneytið gefur út handbók til að miðla upplýsingum um hvað í því felst að njóta aðstoðar sem skipulögð er undir heitinu notendastýrð persónuleg aðstoð (NPA).

Handbókin hefst því á umfjöllun um hugmyndafræðina að baki þessu þjónustuformi, sem og stefnu og markmiðum þar að lútandi, en megináhersla er lögð á eftirtalda þætti :   

  • Handbókinni er ætlað að lýsa því hvernig leysa má ýmis verkefni og álitamál sem koma upp við framkvæmd NPA.
  • Í handbókinni er að finna upplýsingar og leiðbeiningar er lúta að ábyrgð notanda, verkstjórnanda og umsýsluaðila NPA.
  • Fjallað er um hlutverk þeirra sem koma að NPA, einkum hvað varðar samskipti við vinnuveitendur, aðstoðarfólk, sveitarfélög o.fl.
  • Handbókinni er ætlað að vera leiðarvísir fyrir bæði reynda og óreynda verkstjórnendur. Bókina má einnig nota sem þátt í kynningu og fræðslu um NPA.
  • Handbókin hefur víðtæka skírskotun fyrir þá er láta sig NPA varða og er áfangi á þeirri leið að skapa skýra umgjörð um NPA og tryggja markvisst verklag þannig að aðstoðin stuðli að því að skapa enn betri lífsgæði fyrir notendur NPA á Íslandi.

Handbókinni fylgja ýmis fylgiskjöl, svo sem samningsform fyrir NPA, upplýsingar um gott starfsumhverfi, starfsleyfi, siðareglur, starfslýsingar o.fl.

Handbókinni er ætlað að vera lifandi og tímalaust skjal. Það þýðir að hún er stöðugum  breytingum undirorpin og mun því geta breyst í samræmi við aukna þekkingu og þann lærdóm sem draga má af innleiðingu NPA á komandi misserum. Nýjustu útgáfu handbókar um NPA verður alltaf að finna á heimasíðu félagsmálaráðuneytisins. Drög að handbók um NPA  verður í samráðsgátt stjórnvalda til 27. mars 2019.  Eftir það verður önnur útgáfa hennar birt á heimasíðu NPA hjá félagsmálaráðuneytinu.

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira