Hoppa yfir valmynd
06.04.2022

Fundur Velferðarvaktarinnar 5. apríl 2022

55. fundur Velferðarvaktarinnar (fjarfundur)

5. apríl 2022 kl. 13.15-15.00.

Mætt: Siv Friðleifsdóttir, formaður, Angelique Kelley frá W.O.M.E.N., Anna Lára Steindal frá Þroskahjálp, Anna María Gunnarsdóttir frá Kennarasambandi Íslands, Ása Sjöfn Lórensdóttir frá heilsugæslu höfuðborgarsvæðisins, Ásta Helgadóttir frá Umboðsmanni skuldara, Ásta Þórdís Skjalddal Guðjónsdóttir og Bergþór Þórðarson frá PEPP á Íslandi, Elfa Dögg Leifsdóttir frá Rauða krossinum á Íslandi, Elísabet Linda Þórðardóttir frá dómsmálaráðuneytinu, Eva Bjarnadóttir frá Unicef, Helga Ágústsdóttir frá heilbrigðisráðuneyti, Eysteinn Eyjólfsson frá VIRK, Hrafnhildur Tómasdóttir frá Vinnumálastofnun, Jón Ingi Cæsarsson frá BSRB, Katrín Friðriksdóttir frá Menntamálastofnun, Kristjana Gunnarsdóttir frá Reykjavíkurborg, Margrét Júlía Rafnsdóttir frá Barnaheillum, Salbjörg Bjarnadóttir frá embætti landlæknis, Sigrún Sigurðardóttir frá Geðhjálp, Steinunn Bergmann frá BHM, Valgerður Þ. Bjarnadóttir frá mennta- og menningarmálaráðuneyti, Vilborg Oddsdóttir frá Hjálparstarfi kirkjunnar, Þórdís Viborg frá ÖBÍ og Lovísa Lilliendahl frá félags- og vinnumarkaðsráðuneyti.

---

1. Móttaka flóttafólks frá Úkraínu

Gylfi Þór Þorsteinsson, formaður aðgerðateymis og aðgerðarstjóri á skrifstofu barna- og fjölskyldumála í félags- og vinnumarkaðsráðuneytinu, kynnti störf sérstaks aðgerðateymis sem skipuleggur móttöku flóttafólks frá Úkraínu. Fjöldi flóttamanna sem komið hefur hingað til lands það sem af er ári er 1006, þar af eru 613 frá sem flúið hafa frá Úkraínu vegna stríðsátaka.

Linda Rós Alfreðsdóttir og Áshildur Linnet, sérfræðingar á skrifstofu barna- og fjölskyldumála í félags- og vinnumarkaðsráðuneytinu, kynntu hvað virkjun 44 gr. útlendingalaga felur í sér. Einnig kynntu þær starfsemi nýrrar móttökumiðstöðvar umsækjenda um alþjóðlega vernd sem staðsett er í Domus Medica en þar er lagt upp með að öll þjónusta við umsækjendur verði á einum stað. Miðstöðin var sett á fót vegna flóttamannastraumsins frá Úkraínu en þjónustar allt flóttafólk. Þá var Nichole Leigh Mosty, forstöðumaður Fjölmenningarseturs, með erindi varðandi búsetumál flóttafólks sem kemur hingað til lands, en það er mikil áskorun að finna húsnæði fyrir flóttafólk vegna skorts á húsnæði um land allt. Fram kom að ef það vantar úkraínskumælandi eða rússneskumælandi starfsfólk í tímabundnar ráðningar þá er hægt að hafa samband við Fjölmenningarsetrið.

Donata Honkowicz Bukowska, sérfræðingur hjá mennta- og barnamálaráðuneytinu, sagði frá því hvernig verið er að undirbúa skólagöngu barna sem koma frá Úkraínu.

Sjá glærur

2. Aðgerðir sem miða að NEET hópnum
Klara Baldursdóttir Briem, lögfræðingur á skrifstofu vinnumarkaðar og starfsendurhæfingar í félags- og vinnumarkaðsráðuneytinu kynnti aðgerðir sem miða að því að koma NEET hópnum (ungt fólk sem er hvorki í námi né vinnu), í virkni. Í þessu samhengi er lykilatriði að öll kerfi tali saman og veiti sem fyrst þá þjónustu sem einstaklingar þurfa á að halda.

Glærur.

3. Örkynningar úr baklandinu

  • Dómsmálaráðuneytið
    Elísabet Linda Þórðardóttir kynnti breytingar á barnalögum sem tóku gildi um síðustu áramót. Helstu nýmæli og breytingar á barnalögum eru: a) ný heimild til að semja um skipta búsetu barns, b) kveðið er á um með skýrari hætti til hvaða sjónarmiða skuli líta við gerð samninga foreldra um forsjá, búsetu og umgengni, c) nýtt ákvæði er sett um að barn geti haft frumkvæði að því að sýslumaður boði foreldra til viðtals, d) skýrari ákvæði koma fram um rétt barns til að tjá sig og e) breyting er gerð á ákvæðum um framfærslu og meðlag með áherslu á aukið samningsfrelsi foreldra.
    Þá hefur verið endurútgefin handbók um barnalögin.

    Val foreldra - glærur. Forsjá búseta samanburður - glærur

  • Reykjavíkurborg
    Kristjana Gunnarsdóttir sagði m.a. frá nýrri velferðarstefnu Reykjavíkurborgar sem gildir til ársins 2030. Hún kynnti einnig nýtt Virknihús þar sem einstaklingar geta nálgast fjölbreyttar leiðir í endurhæfingu fyrir þátttöku á vinnumarkaði eða í átt til aukinnar virkni og þátttöku í samfélaginu.

4. Tillögur úr skýrslu um brotthvarf úr framhaldsskólum

Tillaga sárafátæktarhóps Velferðarvaktar um að Velferðarvaktin geri tillögur úr skýrslunni um brotthvarf úr framhaldsskólum að sínum var samþykkt að tilteknum nokkrum athugasemdum fulltrúa.

5. Önnur mál

  • Formaður kynnti nýjan fulltrúa frá Menntamálastofnun, Katrínu Friðriksdóttur.
  • Næsti fundur verður haldinn 24. maí.

Ekki meira rætt og fundi slitið/LL.

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum