Hoppa yfir valmynd
25.05.2022

Fundur Velferðarvaktarinnar 24. maí 2022

56. fundur Velferðarvaktarinnar
haldinn hjá Hjálpræðishernum, Suðurlandsbraut 72.

24. maí 2022 kl. 13.15-15.00.

Mætt: Siv Friðleifsdóttir, formaður, Ásta Helgadóttir frá Umboðsmanni skuldara, Bergþór Þórðarson frá PEPP á Íslandi, Dagbjört Höskuldsdóttir frá Landssambandi eldri borgara, Elfa Dögg Leifsdóttir frá Rauða krossinum á Íslandi, Eysteinn Eyjólfsson frá VIRK, Ingvi Kristinn Skjaldarson frá Hjálpræðishernum, Margrét Júlía Rafnsdóttir frá Barnaheillum, Salbjörg Bjarnadóttir frá embætti landlæknis, Sigrún Jónsdóttir frá Tryggingastofnun ríkisins, Steinunn Bergmann frá BHM, Viðar Helgason frá fjármála- og efnahagsráðuneytinu, Vilborg Oddsdóttir frá Hjálparstarfi kirkjunnar og Lovísa Lilliendahl frá félags- og vinnumarkaðsráðuneyti.

---

1. Kynning á starfsemi Hjálpræðishersins
Ingvi Skjaldarson kynnti starfsemi Hjálpræðishersins.

2. Málefni heimilislausra með fjölþættan vanda
Soffía Hjördís Ólafsdóttir, deildarstjóri málaflokks heimilislausra með miklar og flóknar þjónustuþarfir, kynnti stefnu Reykjavíkurborgar í málefnum heimilislausra og hvernig borgin þjónustar heimilislausa einstaklinga með fjölþættan vanda.

Glærur.

3. Starfsemi Konukots
Kristín I. Pálsdóttir, talskona og framkvæmdastjóri Rótarinnar, sagði frá starfsemi Konukots sem er neyðarskýli fyrir húsnæðislausar konur og trans fólk í Reykjavík. Konukot er rekið af Rótinni samkvæmt þjónustusamningi við Reykjavíkurborg.  Í Konukoti er unnið eftir skaðaminnkandi hugmyndafræði og áhersla lögð á að mæta þörf þeirra kvenna sem nýta úrræðið.

Glærur.

4. Starfsemi Frú Ragnheiðar og Ylju
Kristín Davíðsdóttir, teymisstjóri í skaðaminnkun hjá Rauða krossinum, kynnti starfsemi Frú Ragnheiðar og kynnti einnig neyslurýmið Ylju. Ylja er fyrsta neyslurýmið hér á landi þar sem fólki, 18 ára og eldra, býðst að sprauta sig með vímuefnum í æð í öruggu umhverfi undir leiðsögn frá heilbrigðismenntuðum aðila. Markmið Ylju eru því að lágmarka þörf einstaklinga til að neyta vímuefna á almannafæri og þannig koma í veg fyrir þann skaða sem vímuefnaneysla í óöruggum aðstæðum getur haft í för með sér.

Glærur.

5. Örkynningar og önnur mál

  • Sjónarhóll
    Lára Guðrún Magnúsdóttir og Inga Aronsdóttir kynntu starfsemi Sjónarhóls. Sjónarhóll er óháð ráðgjafarmiðstöð sem vinnur að því að styrkja og efla einstakar fjölskyldur. Megintilgangur þjónustunnar er að börn og fjölskyldur þeirra geti nýtt sér almenna lögbundna þjónustu og komist í samband við önnur úrræði sem gætu gagnast þeim. Áhersla er lögð á að hjálpa foreldrum að greina þarfir sínar og barns, efla og nýta sín eigin bjargráð með því að styðja þau að sjálfstæði og að lokum að fræða foreldra um þau þjónustuúrræði sem gætu gagnast þeim.
  • Fjármála- og efnahagsráðuneytið
    Viðar Helgason, sérfræðingur í fjármála- og efnahagsráðuneytinu, fór yfir samantekt fjárveitinga til sérstakra verkefna á sviði félagslegs stuðnings á tímum Covid-19 faraldursins árin 2020-2022.Samantekt fjárveitinga til sérstakra verkefna á sviði félagslegs stuðnings á tímum Covid 2020-2022 (Nýju verkefnin vegna verðbólgu eru lituð í skjalinu)

6. Kynning á nýju húsnæði Hjálpræðishersins
Í lok fundar var fundargestum boðið upp á skoðunarferð um nýtt húsnæði Hjálpræðishersins að Suðurlandsbraut 72 undir leiðsögn Hjördísar Kristinsdóttur og Ingva Skjaldarsonar.

Ekki meira rætt og fundi slitið/LL.

Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum