Skýrsla nefndar um uppbyggingu Landspítala - háskólasjúkrahúss
Þann 30. október 2002 skipaði heilbrigðis- og tryggingamálaráðherra nefnd til að annast skipulagningu húsnæðis fyrir Landspítala-háskólasjúkrahús á Hringbrautarsvæðinu á grundvelli nefndarálits starfsnefndar um „Framtíðarskipulag og uppbyggingu Landspítala-háskólasjúkrahúss” sem skilað var til heilbrigðis- og tryggingamálaráðuneytis í janúar 2002.
Verkefni nefndarinnar eru m.a. þau, að ljúka frumathugun og greinargerð um frumathugun á grundvelli ofangreinds nefndarálits, vinna að nauðsynlegum samningum um lóðir og nýtingu þeirra og sinna deiliskipulagsvinnu með Reykjavíkurborg, gera áætlun um forgangsröðun framkvæmda, verkefna og bygginga, vinna að tíma- og fjárhagsáætlunum fyrir fyrirhugaðar framkvæmdir sem taki til heildarsvæðisins og skoða þær fjármögnunarleiðir sem til greina koma við uppbyggingu svæðisins, m.a. samstarf við einkaaðila.