Hoppa yfir valmynd

Landskjörstjórn

Landskjörstjórn er kosin af Alþingi eftir hverjar almennar alþingiskosningar og í henni sitja fimm menn og jafnmargir til vara. Landskjörstjórn var síðast kosin af Alþingi 8. apríl 2018. Landskjörstjórn velur sér sjálf oddvita og skiptir að öðru leyti með sér verkum. Það er borgaraleg skylda að taka sæti í kjörstjórn. Landskjörstjórn skal eins og aðrar kjörstjórnir halda gerðabók og bóka gerðir sínar. Sjá einnig vef landskjörstjórnar.

Við forsetakjör 2020 hefur landskjörstjórn eftirfarandi verkefni:

Kjörskrár í Reykjavíkurkjördæmum
Landskjörstjórn ákveður í hvoru Reykjavíkurkjördæminu kjósendur sem búsettir eru erlendis, sem taka ber á kjörskrá í Reykjavík, greiði atkvæði. Sama gildir um þá sem skráðir eru með ótilgreint lögheimili í Reykjavík.

Mörk kjördæmanna í Reykjavík við kjör forseta Íslands 27. júní 2020

Við fyrirhugað kjör forseta Íslands 27. júní 2020, eiga mörk kjördæma að vera þau sömu og við síðustu alþingiskosningar, sbr. 2. mgr. 1. gr. laga um framboð og kjör forseta Íslands, nr. 36/1945. Landskjörstjórn hefur ákveðið að auglýsing nr. 836/2017, sem fjallar um mörk kjördæmanna tveggja í Reykjavík við alþingiskosningarnar 28. október 2017, skuli fylgt við kjörið.
Gildir það einnig um fyrirmæli hennar um hvar mörkin skuli vera í hverjum mánuði, sbr. 2. mgr. 23. gr. laga um kosningar til Alþingis, nr. 24/2000, en þau ráða því hvar þeir, sem taka ber á kjörskrá í Reykjavík en búa erlendis eða eru skráðir með ótilgreint lögheimili í Reykjavík, greiða atkvæði. Samkvæmt því greiða þeir sem tilheyra þessum hópum og eru fæddir 1. til 15. hvers mánaðar atkvæði í Reykjavíkurkjördæmi suður en þeir sem eru fæddir 16. dag mánaðar eða síðar í Reykjavíkurkjördæmi norður.

Landskjörstjórn

Aðalmenn:

Kristín Edwald formaður
Anna Tryggvadóttir varaformaður
Páll Halldórsson
Björn Þór Jóhannesson
Ingibjörg Ingvadóttir

Varamenn:

Katrín Helga Hallgrímsdóttir
Heiða Björg Pálmadóttir
Rut Ragnarsdóttir
Sunna Rós Víðisdóttir
Arnar Kristinsson

Aðsetur landskjörstjórnar er í Austurstræti 8-10, annarri hæð.
Ritari landskjörstjórnar er Þórhallur Vilhjálmsson, netfang: [email protected]
Sími: 563 0917 og 696 1389.

Póstfang:
Landskjörstjórn,
Austurstræti 8-10, 2. hæð,
101 Reykjavík.

Veffang:
www.landskjor.is

 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira