Dreifibréf 5/2001 - Veikindi

Fjármálaráðuneytið
Starfsmannaskrifstofa
Nóvember 2001/gós
Dreifibréf 5/2001
VEIKINDI
Túlkun og framkvæmd á ákvæðum kjarasamninga um veikindarétt. Fjarvistir vegna meðferðar við áfengissýki eru ekki greiðsluskyldar.

Uppfært*

Meginreglan er sú að starfsmenn ríkisins eiga ekki rétt á launum á meðan á áfengismeðferð stendur. Sú regla er í samræmi við dóm Hæstaréttar frá árinu 1984, bls. 439. Þar kom fram að áfengissýki fellur ekki undir sjúkdómshugtakið í vinnurétti. Því eiga ákvæði kjarasamninga sem kveða á um réttindi vegna veikinda ekki við um fjarvistir af völdum áfengismeðferðar. Læknisvottorð sem tilgreina forföll vegna áfengissýki eru því ekki gild vottorð fyrir greiðsluskyldum forföllum.
Starfsmenn ríkisins sem hafa þurft á áfengismeðferð að halda, hafa ýmist fengið launað/launalaust leyfi eða notað orlof sitt til áfengismeðferðar. Ýmsar stofnanir ríkisins hafa myndað sér eigin stefnu um þau úrræði, sem þær grípa til gagnvart þeim starfsmönnum sínum sem eiga við áfengisvandamál að stríða. Veiti forstöðumaður starfsmanni launað leyfi vegna áfengismeðferðar þá er það umfram samningsskyldu.

* Dreifibréf þetta kemur í stað vinnureglna nr. 4/1995, dags. 20. september 1995.

 

------------------------------------------
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn