Forsaga

Jafnlaunastaðallinn er afurð samstarfs stjórnvalda og aðila vinnumarkaðarins og má segja að hann sýni sameiginlegan vilja allra aðila til að koma á og viðhalda jafnrétti launa.

Alþingi og aðilar vinnumarkaðarins

Alþingi samþykkti árið 2008 að fela félags- og tryggingamálaráðherra (nú félags- og húsnæðismálaráðherra) að sjá til þess að þróað yrði sérstakt vottunarkerfi á framkvæmd stefnu um launajafnrétti og framkvæmd stefnu um jafnrétti við ráðningar og uppsagnir.

Í kjarasamaningsviðræðum það sama ár gerðu ASÍ og SA með sér samkomulag um þróun vottunarferlis sem fyrirtæki gætu nýtt sér og fæli í sér vottun á framkvæmd stefnu um launajafnrétti og jöfnum möguleikum kynjanna til starfa og starfsþróunar.

Staðlaráð Íslands og tækninefnd

Jafnlaunastaðallinn byggir á þessum tveimur samþykktum, þ.e. annars vegar Alþingis og hins vegar aðila vinnumarkaðarins. Vinna við staðalinn hófst í árslok 2008 og hafði Staðlaráð Íslands umsjón með verkefninu. Skipuð var tækninefnd með fulltrúum frá velferðarráðuneytinu, fjármálaráðuneytinu (nú fjármála- og efnahagsráðuneyti), ASÍ, SA, Jafnréttisstofu, BSRB, Félagi kvenna í atvinnurekstri, BHM, Sambandi íslenskra sveitarfélaga, Orkuveitu Reykjavíkur, ParX/NorCon.  Tækninefndin tilnefndi sérstakan vinnuhóp sem samdi drög að texta staðalsins og naut til þess aðstoðar ýmissa sérfræðinga sem nafngreindir eru í formála staðalsins.

Jafnlaunastaðall að fyrirmynd alþjóðlegra stjórnunarstaðla

Ákveðið var að brjóta verkefnið upp og gera staðal eingöngu um launajafnrétti til að byrja með þannig að framkvæmd stefnu um jafnrétti við ráðningar og uppsagnir yrði sérstakur staðall.

Þá var einnig ákveðið að byggja staðalinn upp með sama hætti og aðra alþjóðlega staðla eins og t.d. ISO9001 (um gæðastjórnun) og ISO140001 (um stjórnun umhverfismála). 

Sjá einnig:

Yfirlit um lög

Yfirlit um lög er varða mannréttindi og jafnrétti er að finna á vef Alþingis

 

Yfirlit um reglugerðir

Yfirlit um reglugerðir er varða jafnrétti er er að finna á reglugerd.is

Námskeið

Fræðslusetrinu Starfsmennt hefur verið falið að halda utan um námskeið til að styðja við og auðvelda innleiðingu jafnlaunastaðals hjá stofnunum og fyrirtækjum.

 

Burt með launamuninn!

Jafnlaunastaðallinn var kynntur á fundi sem haldinn var 24. október 2016.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn