Hoppa yfir valmynd

Opnir samráðsfundir um mannréttindi

Í kjölfar flutnings stjórnarmálefnisins mannréttinda frá dómsmálaráðuneyti til forsætisráðuneytis hefur forsætisráðherra ákveðið að hefja vinnu við Grænbók um mannréttindi. Lögð verður áhersla á víðtækt samráð við vinnu grænbókarinnar og því verða opnir samráðsfundir um landið um stöðu mannréttindamála. Á hverjum fundi verður kastljósi beint að mannréttindamálum á Íslandi, helstu áskorunum framundan og tækifærum með tilliti til áherslna stjórnvalda, sem m.a. endurspeglast í stjórnarsáttmála ríkisstjórnarinnar.

Öll eru velkomin en þátttakendur eru beðnir að skrá sig á skráningarsíðu fundarins. Gott aðgengi er á öllum fundarstöðunum fyrir hjólastóla og táknmálstúlkun stendur til boða sé þess óskað með 7 daga fyrirvara.

Dagsetning Staður  Tími Þátttaka
29. ágúst Selfoss | Hótel Selfoss  16:00-17:30 Skráning
31. ágúst
Reykjavík | Ríma í Hörpu  16:00-17:30 Skráning
5. september  Akureyri | Hamar í Menningarhúsinu Hofi  17:00-18:30  Skráning
6. september Egilsstaðir | Icelandair Hótel Hérað  17:00-18:30  Skráning
8. september Ísafjörður | Edinborgarhúsið  10:00-11:30 Skráning

Grænbók um mannréttindi

Grænbók er yfirlit yfir stöðumat og valkosti og er undanfari frekari stefnumótunar. Við vinnuna verður lagt mat á stöðu mannréttindamála á Íslandi þar sem safnað er á einn stað upplýsingum um mannréttindi, þróun, tölfræði, samanburði við önnur lönd og samantekt um mismunandi leiðir eða áherslur til að mæta þeim áskorunum sem við blasa í mannréttindamálum, m.a. í tengslum við stofnun sjálfstæðrar innlendrar Mannréttindastofnunar.

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira