Styrkir til verkefna á sviði lista og menningararfs og stofnstyrkir til íþrótta- og æskulýðsmála

Markmið og áherslur

Veittir eru styrkir til annarra en ríkisaðila þ.e. félaga, samtaka eða einstaklinga vegna verkefna á sem ekki njóta lögbundins stuðnings eða falla undir sjóði eða sérstaka samninga með vísan til reglugerðar um styrkveitingar ráðherra nr. 642/2018.

Mennta- og menningarmálaráðuneyti veitir styrki til:

Lista og menningararfs:
Veittir eru rekstrar- og verkefnastyrkir til félaga, samtaka og annarra aðila sem starfa á sviði lista og að verndun menningarminja sem ekki hafa aðgang að uppbyggingarsjóðum landshluta eða öðrum sjóðum lista og menningararfs.
Mannvirkja á sviði íþrótta- og æskulýðsmála
Veittir eru stofnstyrkir til að styðja við uppbyggingu, endurnýjun og viðhald íþróttamannvirkja og mannvirkja fyrir æskulýðsstarfsemi í samstarfi við sveitarfélög og fleiri aðila.

Einungis eru veittir styrkir til ofangreindra málaflokka. Ekki eru veittir styrkir til menntamála, vísinda eða annarra þeirra verkefna sem falla undir aðra málaflokka á verkefnasviði ráðuneytisins.

Minnt er á að hafi umsækjandi áður fengið styrk til verkefnis þarf að liggja fyrir greinargerð um framkvæmd þess og ráðstöfun styrkfjárins til að ný umsókn komi til greina eða eins og kveðið er á um í skilmálum vegna fyrri styrkveitinga.

Upplýsingar um mat á umsóknum eru í úthlutunarreglum, 4. gr.

Umsækjendum er gert að sækja um á rafrænu formi á umsóknarvef Stjórnarráðsins

Aðgangur er veittur á kennitölu einstaklinga og verður lykilorð sent viðkomandi á netfang sem hann gefur upp við nýskráningu. Lykilorðinu má breyta eftir innskráningu með því að opna Notandi: Mínar stillingar.
Umsækjendur skrá sig inn með kennitölu og lykilorði og velja mennta- og menningarmálaráðuneyti á síðunni Eyðublöð.

Umsóknareyðublöð eru opin á meðan umsóknarferli er í gangi.
Auglýst er eftir umsóknum að hausti þegar fjárlagafrumvarp næsta árs liggur fyrir.

Úthlutað er einu sinni á ári og eigi síðar en 31. janúar ár hvert.

Úthlutanir fyrri ára:

2018