Nám í alþjóðlegum menntaskóla í Noregi

Árlega er einum íslenskum nemanda boðin skólavist við Alþjóðlega menntaskólann, Red Cross Nordic United World College (RCNUWC) í Flekke, Noregi.  Skólinn er hluti af alþjóðlegu skólasamtökunum United World Colleges (UWC), sem reka 15 skóla í 15 löndum. UWC er í fararbroddi alþjóðlegrar menntunar til stúdentsprófs, með það að markmiði að menntun ungmenna með ólíkan menningarbakgrunn styrki stoðir skilnings á milli þjóða og menningarheima.

Nám við skólann í Noregi tekur tvö ár og lýkur því með viðurkenndu alþjóðlegu stúdentsprófi, International Baccalaureat Diploma (IB). Kennsla fer fram á ensku. Skólastarf við RCNUWC leggur áherslu á að nemendur kynnist málefnum og viðfangsefnum  samtímans, og eru sérstakar áherslur hans á umhverfis-, samfélags og mannréttindamálefni. Skólinn á í samstarfi við Rauða Krossinn og Norðurlöndin, sem eiga aðild að stofnun hans.

 Íslensk stjórnvöld eiga aðild að rekstri skólans og býðst skólavist fyrir einn nemanda. Nánari upplýsingar má finna á vef skólans: uwcrcn.no  og á Facebook síðunni UWC Ísland.

 Á hverju ári er auglýst eftir umsækjendum um skólavist. Þeir skulu hafa lokið sem svarar einu ári í framhaldsskóla, hafa gott vald á ensku og vera á aldrinum 16-18 ára. Styrkþegi þarf sjálfur að greiða fargjöld.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn