Hoppa yfir valmynd

Grænbók um fjarskiptamál

Vinna við gerð grænbókar um fjarskipti hófst í upphafi árs 2021. Grænbók er ætlað að meta stöðu á sviði fjarskipta og vera grundvöllur fyrir endurskoðaða stefnumótun í fjarskiptum til fimmtán ára (fjarskiptaáætlun). Grænbók er umræðuskjal og í henni eru upplýsingar um stöðu málaflokksins, tölfræði, samanburð við önnur lönd og umfjöllun um ólíkar leiðir eða áherslur til að mæta þeim áskorunum sem við blasa. 

Við gerð grænbókar verður almenningi og haghöfum boðið að leggja fram sjónarmið sín um núverandi stöðu og framtíðarsýn ásamt áherslum og ólíkum leiðum, sem gætu nýst í stefnumótuninni. Það verður gert á opnum samráðsfundum um land allt og í samráðsgátt stjórnvalda. Niðurstöður grænbókar liggja svo til grundvallar svonefndrar hvítbók þar sem mótuð stefna til 15 ára og aðgerðaáætlun til fimm ára.

Opnir samráðsfundir

Í tengslum við grænbókarvinnu stendur samgöngu- og sveitarstjórnarráðuneytið fyrir rafrænum samráðsfundum í öllum landshlutum um stöðu í fjarskiptamálum og valkosti til framtíðar. Á hverjum fundi verður kastljósi beint að fjarskiptum í viðkomandi landshluta, hverjar eru helstu áskoranir í dag og hvar liggja tækifæri til framfara. Fundirnir eru haldnir í samvinnu við landshlutasamtök. Boðið verður upp á fjölbreytta dagskrá með erindum og umræðum í minni hópum. Fundirnir verða rafrænir (Teams) en eru öllum opnir en áhugasamir eru beðnir um að skrá þátttöku á skráningarsíðum. Allir sem skrá sig fá fundarboð með hlekk á veffundinn.

Dagsetning Landshluti Tími Skráning
12. apríl Austurland 13:00-14:30 Skráning 
13. apríl Norðurland vestra 10:00-11:30 Skráning 
13. apríl Norðurland eystra 13:00-14:30 Skráning 
14. apríl Vesturland 10:00-11:30 Skráning 
14. apríl Vestfirðir 13:00-14:30 Skráning
16. apríl Suðurland 10:00-11:30 Skráning
16. apríl Suðurnes 13:00-14:30 Skráning 
Tilkynnt síðar Höfuðborgarsvæðið  

Staða aðgerða fjarskiptaáætlunar (31. des. 2020)

Nýlegt efni um framgang mála í fjarskiptaáætlun

Leiðarljós í stefnumótuninni

Ísland er í fremstu röð með trausta og örugga innviði, öflug sveitarfélög, verðmætasköpun og framsækna þjónustu. Tækni tengir byggðir og Ísland við umheiminn í jafnvægi við umhverfið. Til grundvallar stefnumótunarvinnunni eru meginmarkið og leiðarljós allra áætlana samgöngu- og sveitarstjórnarráðuneytisins: 

Þjónusta samgöngu- og fjarskiptakerfa mæti þörfum samfélagsins

  • Samgöngu- og fjarskiptakerfi mynda samhæfða heild til hagsbóta fyrir einstaklinga og atvinnulíf.
  • Grunnnet samgangna og fjarskipta á landi, í lofti og sjó er skilgreint og byggt upp með hliðsjón m.a. af öryggi, vinnusóknarsvæðum, tengingu landshluta og Íslands við umheiminn. 
  • Samgöngur og fjarskipti geri landsmönnum kleift að nálgast opinbera grunnþjónustu á sem stystum tíma og á öruggan hátt. 
  • Ávallt litið til tækniframfara og nýsköpunar.

Sjálfbærar byggðir um land allt

  • Við forgangsröðun aðgerða verði tekið tillit til óska sveitarstjórna og sóknaráætlana landshluta.
  • Skipulag og forgangsröðun samgangna og fjarskipta um land allt taki tillit til umhverfisgæða og lýðheilsu.
  • Fjármögnun aðgerða stuðli að sem hagkvæmastri nýtingu opinberra fjármuna.
  • Sjálfstjórn og ábyrgð sveitarfélaga virt og tryggð verði sem jöfnust réttindi og aðgengi íbúa að þjónustu.

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira