Vefhandbókin

Vefhandbókin var fyrst gefin út árið 2008 og hefur síðan verið uppfærð tvívegis, árin 2012 og 2014. Í endurskoðun árið 2012 var meðal annars bætt við umfjöllun um lýðræðislega virkni á vefnum og kafli um aðgengismál var uppfærður. Í endurskoðun 2014 var sérstaklega litið til 1. og 4. kafla sem hafa tekið nokkrum breytingum. Meiri áhersla er á undirbúning vefverkefna, skrif fyrir vefinn, starf vefstjórans, notendaupplifun og efni í heild endurskoðað með tilliti til örrar þróunar í notkun snjalltækja. Þá var bætt við kafla um öryggismál þar sem meðal annars er að finna gátlista og skjal fyrir sjálfsmat.

Markmið vefhandbókarinnar er að tryggja samræmi í vefhönnun opinberra aðila, bæta þjónustu við almenning og almenn gæði í tengslum við aðgengi fatlaðs fólks og eldri borgara.

Í nóvember 2018 var gerð könnun á notkun vefhandbókarinnar og niðurstöður birtar í framhaldinu. 

Handbókin skiptist í sex yfirkafla, yfirlit yfir þá og kaflana sem eru undir þeim má sjá hér að neðan.