18. fundur stjórnarskrárnefndar
Dagskrá
- Fundargerð síðasta fundar
- Framsal valdheimilda í þágu alþjóðasamvinnu
- Umhverfisvernd
Fundargerð
18. fundur – haldinn föstudaginn 2. janúar 2015, kl. 10.00, í fundarsal Þjóðminjasafns Íslands, Reykjavík.
Mættir voru eftirtaldir: Páll Þórhallsson, formaður, Aðalheiður Ámundadóttir, Birgir Ármannsson, Jón Kristjánsson, Valgerður Bjarnadóttir og Valgerður Gunnarsdóttir. Forföll höfðu verið tilkynnt af hálfu Katrínar Jakobsdóttur og Róberts Marshall sem tilnefndur hefur verið til setu í nefndinni af hálfu Bjartrar framtíðar.
Þá sat fundinn Sif Guðjónsdóttir, lögfræðingur á löggjafarskrifstofu forsætisráðuneytis og ritari nefndarinnar.
Formaður setti fundinn og stýrði honum.
1. Fundargerð síðasta fundar
Fundargerð 17. fundar, sem haldinn var föstudaginn 14. nóvember 2014, var send nefndarmönnum með tölvupósti 31. desember. Fundargerðin var samþykkt án athugasemda.
2. Framsal valdheimilda í þágu alþjóðasamvinnu
Rætt var um framsal valdheimilda í þágu alþjóðasamvinnu, sbr. umfjöllun í fyrstu áfangaskýrslu, og leitast við að skýra betur um hvað er sátt, hvar/hvað ber á milli og hvort/hvernig hægt sé að nálgast þar sameiginlega niðurstöðu sem nánari útfærsla verði byggð á.
Unnið verður úr umræðum fundarins og drög send nefndarmönnum.
3. Umhverfisvernd
Rætt var um umhverfisvernd, sbr. umfjöllun í fyrstu áfangaskýrslu, og leitast við að skýra betur um hvað er sátt, hvar/hvað ber á milli og hvort/hvernig hægt sé að nálgast þar sameiginlega niðurstöðu sem nánari útfærsla verði byggð á.
Unnið verður úr umræðum fundarins og drög send nefndarmönnum.
Fleira ekki gert og fundi slitið kl. 13.10.
SG skrifaði fundargerð.