Hoppa yfir valmynd

Hvað segja lögin?

Í nýlegu ákvæði sveitarstjórnarlaga kemur fram að ef íbúafjöldi í sveitarfélagi er undir 250 fyrir sveitarstjórnarkosningar árið 2022 eða 1.000 fyrir sveitarstjórnarkosningar 2026 skuli sveitarstjórnir hefja sameiningarferli eða senda ráðuneyti sveitarstjórnarmála álit innan árs um stöðu sveitarfélagsins, getu þess til að sinna lögbundnum verkefnum og kostum mögulegrar sameiningar við önnur sveitarfélög. Álitið skal sent ráðuneyti sveitarstjórnarmála til umsagnar og síðan kynnt íbúum sveitarfélagsins ásamt umsögn ráðuneytisins.

Að því loknu skal sveitarstjórn taka ákvörðun um hvort hefja eigi sameiningarviðræður á grundvelli 119. gr. sveitarstjórnarlaga og hafa um það tvær umræður skv. 18. gr. sömu laga. Taki sveitarstjórn ákvörðun um að hefja ekki viðræður geta minnst 10% kosningabærra íbúa sveitarfélagsins óskað almennrar atkvæðagreiðslu um ákvörðun sveitarstjórnar, hafi slík atkvæðagreiðsla ekki farið fram. Sveitarstjórn skal verða við þeirri ósk eigi síðar en innan 6 mánaða frá því hún berst.

Niðurstaðan er bindandi fyrir sveitarstjórnir.

Á vefsíðu Jöfnunarsjóðs sveitarfélaga liggur fyrir yfirlit um fjárhagslegan stuðning sjóðsins við sveitarfélög vegna sameininga óháð því hvaða sveitarfélög sameinast.

Síðast uppfært: 29.12.2021
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira