Samstarfsnefnd ríkis og sveitarfélaga

Tilgangur nefndarinnar er að auka traust og formfestu í samskiptum ríkis og sveitarfélaga, bæta stjórnsýslu hins opinbera og efla gagnkvæman skilning á viðfangsefnum og þörfum hvors aðila fyrir sig. Nefndin skal fara yfir einstök mál sem vísað er til hennar og jafnframt skal nefndin taka sérstaklega upp á fundum sínum umræðu um með hvaða hætt er unnt að bæta verkferla og samskipti þessara stjórnsýslustiga, sbr. 6. mgr. 128. gr. sveitarstjórnarlaga, nr. 138/2011.

Nefndin er þannig skipuð:

• Ragnhildur Hjaltadóttir, ráðuneytisstjóri innviðaráðuneytisins
• Guðmundur Árnason, ráðuneytisstjóri fjármála- og efnahagsráðuneytisins
• Aldís Hafsteinsdóttir, formaður Sambands íslenskra sveitarfélaga
• Dagur B. Eggertsson, borgarstjóri Reykjavíkur.

Núgildandi samstarfssáttmáli er frá 2. apríl 2008 og er hann ótímabundinn en með ákvæði um endurskoðun ef annar hvor aðili telur ástæðu til.