Hoppa yfir valmynd

Dagskrá

Dagskrá 2017

Hér birtast upplýsingar um viðburði sem efnt er til í tilefni Dags íslenskrar náttúru 2017. Upplýsingar má senda á Bergþóru Njálu Guðmundsdóttur, upplýsingafulltrúa ráðuneytisins. 

15. september 

  • Umhverfis- og auðlindaráðherra afhendir Náttúruverndarviðurkenningu Sigríðar í Brattholti og Fjölmiðlaverðlaun umhverfis- og auðlindaráðuneytisins. 
  • 15:15–16:00 Garðabær Fyrsti íslenski fuglaljósmyndarinn. Kristinn Haukur Skarphéðinsson dýravistfræðingur hjá Náttúrufræðistofnun Íslands flytur erindi um Björn Björnsson (1889–1977) frumherja í fuglaljósmyndum hér á landi. Björn var kaupmaður á Norðfirði en vann að ljósmyndun meðfram störfum sínum. Á síðari árum sérhæfði hann sig í fuglaljósmyndun og ferðaðist víða um landið í þeim tilgangi, oft með Finni Guðmundssyni fuglafræðingi á Náttúrugripasafninu, eins og Náttúrufræðistofnun Íslands hét þá. Segja má að Björn hafi verið hálfgerðir hirðljósmyndari Finns og náði hann myndum af nær öllum íslenskum varpfuglum. Hluta þessa stórmerka safns ánafnaði hann Náttúrufræðistofnun Íslands. Í fyrirlestrinum verður brugðið upp úrvali af fuglamyndum Björns, sagt frá aðferðum hans við myndatökurnar og gerð grein fyrir þýðingu þeirra í almannafræðslu og fuglavernd þess tíma.

16. september 

  • Á Degi íslenskrar náttúru verður viðburður í tengslum við árvekniátakið Plastlaus september í Kringlunni. Hægt verður að fræðast um plastlausar lausnir og þann mikla plastúrgang sem fellur til á hverjum degi, læra að búa til margnota poka, fræðast um strandhreinsun Íslands og óhefðbundnar leiðir til að losa sig við sorp, fá gefins margnota poka og fleira. Það eru Landvernd, Reykjavíkurborg, Umhverfisstofnun, Plastlaus september auk Kringlunnar sem standa að viðburðinum. Sjá nánar Facebook viðburð.
  • Í tilefni af Degi íslenskrar náttúru og alþjóða strandhreinsunardeginum 16. september sem og plastlausum september hvetur Landvernd fólk til að skipuleggja sína eigin strandhreinsun. Hægt er að skrá sig til leiks á síðunni www.hreinsumisland.is en þar eru allar hreinsanir sýndar á Íslandskorti. Á síðunni má finna fræðslu og veitir Landvernd góð ráð og leiðbeiningar fyrir skipulagningu strandhreinsunar.
  •  10 - 16  Breiðamerkursandur Í tilefni af Degi íslenskrar náttúru og alþjóðlega strandhreinsunardeginum boðar Vatnajökulsþjóðgarður, í samvinnu við Sveitafélagið Hornafjörð, Náttúrustofu Suðausturlands og Nýheima Þekkingasetur, ásamt landeigendum, til strandhreinsunar á Breiðamerkursandi. 
  • 13:00 Kópavogur Menningarhúsin í Kópavogi, Náttúrufræðistofa Kópavogs og Fuglavernd efna til fjöruferðar á Degi íslenskrar náttúru þar sem fuglalíf í Kópavogi og matseðill fuglanna verður skoðaður. Farið verður fótgangandi frá Náttúrufræðistofu. Aðgangur ókeypis og allir velkomnir. Nánari upplýsingar. 
  • 13:00 Berufjörður Á Teigarhorni verður rölt og rabbað um jarðfræði í fylgd Landvarðar. Allir velkomnir.
  • 14:00 Snæfellsnes Þjóðgarðurinn Snæfellsjökull býður til göngu að Lóndröngum þar sem skyggnst verður inn í þá tímaskala sem náttúran vinnur á. Gangan hentar öllum aldurshópum og er um 1-1,5 klst. að lengd. Mæting er við Malarrifsvita. Allir velkomnir. Nánari upplýsingar (pdf-skjal).
  • 14:00 - 16:00 Akureyri  Eyþór Ingi Jónsson og Fuglavernd bjóða fólki í smáfuglaskoðunarferð um Kjarnaskóg á Degi íslenskrar náttúru. Bent verður á góða staði í skóginum til að skoða fugla og fólk fær að sjá og heyra í þeim fuglum sem þar má finna. Sérstök áhersla verður lögð á glókollinn sem er nokkuð algengur í Kjarnaskógi. Auðveld ganga, ca 2 - 3 km., sem hentar vel fyrir alla fjölskylduna. Lagt verður af stað frá aðalbílastæði Kjarnaskógs kl. 14. Aðgangur ókeypis og allir velkomnir. Nánari upplýsingar.
  • 14:00 - 16:00 Hvalfjörður Opinn skógur í Brynjudal í Hvalfirði verður formlega opnaður og af því tilefni er boðið til fjölskylduvænnar hátíðardagskrár á þessu skemmtilega útivistarsvæði þar sem þrautabraut, ógrynni berja og fjöldi fallegra gönguleiða bíða gesta. Dagskrá og nánari upplýsingar

Skólaverkefni

  • Kópavogur Í tengslum við Dag íslenskrar náttúru efnir Menntaskólanum í Kópavogi til árlegra Umhverfisdaga. Í ár er þemað Þjóðgarðar Íslands og jarðvegurinn okkar. Góðir gestir koma í heimsókn til að segja frá þjóðgörðum landsins og hugmyndum um fjölgun þeirra, Landgræðsla ríkisins mun fræða okkur um mikilvægi jarðvegs, fræðslumyndir tengdar umhverfismálum verða sýndar, auk þess sem kennarar eru hvattir til að hafa umhverfismál í deiglunni í hverju fagi.
  • Neskaupsstaður Í tilefni af degi íslenskrar náttúru og verkefninu ,,Hjólum í skólann“ heldur Verkmenntaskóli
    Austurlands bíllausan dag föstudaginn 15. september. Allir nemendur og starfsfólk skólans eru hvattir til þess að skilja einkabílinn eftir heima þennan dag og fjölmenna á gervigrasvöllinn í löngu frímínútunum klukkan 9:30 – 9:50. Þar ætlar Listaakademía VA að vera með atriði í tilefni dagsins. Nánari upplýsingar.
  • Kópavogur Krakkarnir á leikskólanum Kór munu ganga saman út í Magnúsarlund, týna rusl og spjalla saman um umhverfið í skóginum.
  • Mosfellsbær Börnin á leikskólanum Hlíð í Mosfellsbæ gróðursetja birkitré í útistofu sem staðsett er í klettum á opnu svæði vestan við leikskólann. Útistofan kallast Skógarhlíð. Fjögur tré eru gróðursett, eitt fyrir hverja deild. Eftir gróðursetningu fá börnin sér hressingu í Skógarhlíð.
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira