Opinberir vefir

Vefir opinberra aðila hafa meðal annars því hlutverki að gegna að veita almenningi þjónustu og upplýsingar um réttindi sín og skyldur. Mikilvægt er að innihald vefjanna, nytsemi þeirra, öryggi, aðgengi og þjónusta sé eins og best verður á kosið auk þess sem vefirnir eru tæki til að auka lýðræðislega þátttöku. 

Verkefnið Umbætur á opinberum vefjum er samstarfsverkefni, samgöngu- og sveitarstjórnarráðuneytis, forsætisráðuneytis, velferðarráðuneytis og Sambands íslenskra sveitarfélaga. Á vegum þess eru haldin námskeið og fræðslufundir, upplýsingavef haldið úti, unnin vefhandbók og gerðar úttektir á opinberum vefjum annað hvert ár frá árinu 2005 undir heitinu: Hvað er spunnið í opinbera vefi? Niðurstöður könnunarinnar eru mikilvægt tæki til að fylgjast með þróun opinberra vefja. 

Kannaðir hafa verið hátt í 300 opinberir vefir og hefur úttektin náð yfir innihald, nytsemi, aðgengi, þjónustu og lýðræðislega þátttöku. Þá var í fyrsta sinn gerð úttekt á öryggi opinberra vefja árið 2015 þar sem vefirnir voru skannaðir með forritum til að finna hugsanlega veikleika í öryggi þeirra. Nú stendur yfir ný könnun á opinberum vefjum og verða niðurstöður úttekta kynntar á UT-deginum 30. nóvember nk. 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn