Hoppa yfir valmynd

5.6 Minnislisti

5.6.1 Hvað ber að hafa í huga þegar innleiða á rafræna lýðræðisþátttöku?

  • Hafa ber í huga að ekki hafa allir hópar samfélagsins jafnan aðgang að vefmiðlum og þess vegna ber að taka með ákveðnum fyrirvara umræðum á netinu sem geta einkennst af „einni“ rödd frekar en breiðri sátt.
  • Í íbúakosningum þarf væntanlega enn um sinn að gefa íbúum færi á að kjósa með hefðbundnum hætti, það er að fá aðgengi að kjörklefa á skrifstofu sveitarstjórnar eða með því að senda „utankjörfundarseðil“.
  • Góð kynning á lýðræðisþátttöku er nauðsynleg og líklega er auglýsingakostnaður vanmetinn oft og tíðum. Ef það er auglýst þarf að hafa í huga hver markhópurinn er.
  • Kynningarmál. Samráð er til einskis ef þátttakan er engin. Fréttatilkynning frá ráðuneytinu, auglýsingar í útvarpi ásamt auglýsingum í prent- og netmiðlum eru nauðsynlegir þættir þegar samráðsferli er í uppsiglingu.
  • Í árlegri könnun Sameinuðu þjóðanna um þátttöku almennings og aðkomu að ákvarðanatökuferlum er vakin athygli á því að nokkur lönd birta opinbera stefnu um að halda eigi úti samráði og lýðræðisþátttöku en gagnrýnt er að erfitt sé fyrir íbúa að taka þátt þegar á hólminn er komið. Hægt er að auðvelda fólki slíkt, meðal annars með því að halda úti miðlægri síðu sem heldur úti einhvers konar samráðsdagatali.
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira