Hoppa yfir valmynd

Tímarammi

 

Bretland gekk formlega úr Evrópusambandinu 31. janúar 2020, þremur og hálfu ári eftir að meirihluti kjósenda reyndist fylgjandi útgöngu í þjóðaratkvæðagreiðslu 23. júní 2016. Útgönguferlið hefur ekki gengið klakklaust fyrir sig. Bresk stjórnvöld tilkynntu 29. mars 2017 um útgöngu úr ESB. Samkvæmt 50. gr. sáttmálans um Evrópusambandið var gert ráð fyrir að Bretland gengi úr sambandinu tveimur árum eftir að tilkynnt var um útgöngu, eða 29. mars 2019. Fyrstu drög af útgöngusamningi Bretlands og ESB voru samþykkt af hálfu ESB í nóvember 2018 en þar sem ekki tókst að fá samþykki breska þingsins fyrir samningnum var útgöngu frestað í þrígang. Boris Johnson tók við af Theresu May sem forsætisráðherra Bretlands í júlí 2019 og tókst að knýja fram ákveðnar breytingar á útgöngusamningnum sem vörðuðu landamærin á milli Írlands og Norður-Írlands. Þar sem breski Íhaldsflokkurinn vann afgerandi sigur í þingkosningum sem fóru fram 12. desember 2019 reyndist Johnson í kjölfarið auðsótt að koma útgöngusamningi sínum í gegnum breska þingið. Í kjölfarið tók við aðlögunattímabil til loka ársins 2020 en á því tímabili semur Bretland um framtíðarsamband sitt við ESB og önnur ríki þ.m.t. Ísland.  

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira