Hoppa yfir valmynd

Upplýsingar til íslenskra ríkisborgara

Í kjölfar leiðtogaráðsfundar ESB 10. apríl sl. liggur fyrir að útgöngu Bretlands úr ESB hefur verið frestað til 31. október 2019. Ef útgöngusamningur Bretlands og ESB er samþykktur á breska þinginu fyrr gæti útganga átt sér stað fyrr.

Réttur Íslendinga sem búa í Bretlandi fyrir útgöngudag til áframhaldandi dvalar er tryggður hvort sem Bretland gengur úr ESB með eða án útgöngusamnings. Ísland hefur gengið frá samningum við Bretland varðandi báðar þessar sviðsmyndir.

Staða þeirra sem koma síðar er mismunandi eftir því hvort útganga Bretlands úr ESB verður með samningi eða ekki, og eftir því hvenær þeir flytja.

Allir íslenskir ríkisborgarar búsettir í Bretlandi, sem ætla að búa áfram í Bretlandi eftir útgöngudag, verða að staðfesta rétt sinn í gegnum sérstakt skráningarkerfi breskra stjórnvalda.*

Hér að neðan eru upplýsingar um stöðu fólks miðað við mismunandi aðstæður. Breska innanríkisráðuneytið starfrækir einnig símaver sem svarar spurningum frá evrópskum borgurum varðandi skráningarferlið.

Upplýsingasími breska innanríkisráðuneytisins fyrir evrópska borgara: (+44) 0300 123 2253

  • Opið mánudaga til fimmtudaga frá kl. 9:00 til 16:45 og föstudaga frá kl. 9:00 til 16:30.

Samkvæmt breskum lögum er íslenskum stjórnvöldum eða sendiráði Íslands í London óheimilt að veita ráðgjöf í einstökum málum. Upplýsingar um aðila sem mega veita sérstaka ráðgjöf

*Íslendingar sem hafa ILR stöðu í Bretlandi (e. Indefinite Leave to Remain) eru ekki skyldugir til að sækja um en er þó ráðlagt að kynna sér settled status sem gæti veitt víðtækari réttindi en ILR.

Útganga Bretlands með samningi við ESB

Réttindi þeirra EES-ríkisborgara sem flytjast til Bretlands fyrir 1. janúar 2021 til áframhaldandi búsetu eru tryggð að því gefnu að þeir:

  • sæki rafrænt um settled status (hafi þeir verið búsettir í Bretlandi í minnst fimm ár þegar sótt er um), eða, 
  • sæki rafrænt um pre-settled status (hafi þeir verið búsettir í Bretlandi í styttri tíma þegar sótt er um). 

Fimm ára búseta telst búseta í sex mánuði á hverju 12 mánaða tímabili í minnst fimm ár í röð, undanþágur kunna að eiga við. 

Þeir sem fá skráðan pre-settled status geta síðar sótt um settled status þegar fimm ára búsetuskilyrði er uppfyllt.

Sjá frekari upplýsingar varðandi skráningu fjölskyldumeðlima sem ekki eru EES-ríkisborgarar á vef breska innanríkisráðuneytisins.

Umsóknarfrestur rennur út hinn 30. júní 2021.

Sjá nánar á vef breska innanríkisráðuneytisins.

Í hnotskurn: Réttindi íslenskra ríkisborgara sem eru búsettir í Bretlandi fyrir 1. janúar 2021: Umsóknarfrestur til 30. júní 2021 – það þarf að staðfesta rétt með rafrænni umsókn.

Útganga Bretlands án samnings við ESB

Gangi  Bretland úr ESB án útgöngusamnings eru réttindi EES-ríkisborgara sem voru búsettir í Bretlandi fyrir útgöngudag (nú áætlaður 31. október 2019) til áframhaldandi búsetu einnig tryggð, að því gefnu að þeir: 

  • sæki rafrænt um settled status (hafi þeir verið búsettir í Bretlandi í minnst fimm ár þegar sótt er um), eða, 
  • sæki rafrænt um pre-settled status (hafi þeir verið búsettir í Bretlandi í styttri tíma þegar sótt er um). 

Fimm ára búseta telst búseta í sex mánuði á hverju 12 mánaða tímabili í minnst fimm ár í röð, undanþágur kunna að eiga við. 

Þeir sem fá skráðan pre-settled status geta síðar sótt um settled status þegar fimm ára búsetuskilyrði er uppfyllt.

Sjá frekari upplýsingar varðandi skráningu fjölskyldumeðlima sem ekki eru EES-ríkisborgarar á vef breska innanríkisráðuneytisins.

Umsóknarfrestur rennur út hinn 31. desember 2020. 

Sjá nánar á vef breska innanríkisráðuneytisins.

Í hnotskurn: Réttindi þeirra sem eru búsettir í Bretlandi fyrir 29. mars 2019: Umsóknarfrestur til 31. desember 2020 – það þarf að staðfesta rétt með rafrænni umsókn

Hvort sem Bretland gengur úr ESB með eða án samnings verður EES-ríkisborgurum áfram frjálst að heimsækja Bretland eftir áætlaðan útgöngudag og dvelja þar í a.m.k. þrjá mánuði án vegabréfsáritunar. Þessar reglur munu gilda a.m.k. til 31. desember 2020.  Gera má ráð fyrir að fyrir þann tíma muni koma í ljós hvort samningar náist um niðurfellingu áritunarskyldu til framtíðar.

Athuga skal að sem sakir standa mun evrópska sjúkratryggingakortið ekki gilda lengur í Bretlandi ef Bretland gengur úr ESB án útgöngusamnings. Þetta á einnig við um farþega sem eingöngu millilenda í Bretlandi. 

Sjá nánari upplýsingar á vef breska innanríkisráðuneytisins um rétt EES-borgara til dvalar í Bretlandi við útgöngu án samnings: https://www.gov.uk/guidance/european-temporary-leave-to-remain-in-the-uk 

Í hnotskurn: Íslenskir ríkisborgarar munu ekki þurfa vegabréfsáritun til Bretlands, a.m.k. til og með 31. desember 2020.

 

Sjá nánari upplýsingar á vef breskra stjórnvalda um heimsóknir til Bretlands eftir útgöngu úr ESB:
https://www.gov.uk/guidance/visiting-the-uk-after-brexit

Réttindi Íslendinga til búsetu í Bretlandi eftir Brexit

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira