Hoppa yfir valmynd

Varúðarráðstafanir vegna útgöngu Bretlands úr ESB

Eftirfarandi samningar voru gerðir til að tryggja kjarnahagsmuni Íslands vegna hugsanlegrar útgöngu Bretlands úr ESB án útgöngusamnings. Þar sem Bretland gekk úr ESB á grundvelli samnings koma þessir samningar ekki til með að taka gildi. Hins vegar gæti vinna vegna undirbúnings fyrir útgöngu án samnings komið að góðum notum á ný ef svo færi að ekki næðist að ljúka viðræðum um framtíðarsamning fyrir lok árs 2020 þegar áætlað er að aðlögunartímabilinu ljúki.

Réttindi borgara til búsetu

Samningur var undirritaður 2. apríl 2019 sem hefði tryggt rétt íslenskra ríkisborgara í Bretlandi og breskra ríkisborgara á Íslandi til áframhaldandi búsetu eftir útgöngu Bretlands úr ESB og EES, ef svo hefði farið að ekki næðust samningar um útgönguskilmála á milli Bretlands og ESB. Samningurinn er á milli EFTA-ríkjanna innan EES (Íslands, Liechtenstein og Noregs) og Bretlands.

Samningurinn byggir á pólitísku samkomulagi um að tryggja rétt íslenskra ríkisborgara í Bretlandi og breskra ríkisborgara á Íslandi til áframhaldandi búsetu eftir útgöngu Bretlands úr ESB. Í framhaldinu var unnið að gerð samnings um gagnkvæm réttindi borgara þessara ríkja og var endanlegur texti samningsins kynntur 8. febrúar 2019.

Þá var samkomulag (MoU) um fólksflutninga á milli Íslands og Bretlands í kjölfar hugsanlegrar útgöngu án samnings einnig undirritað.

Vöruviðskipti

Ísland, Noregur og Bretland undirrituðu 2. apríl 2019 bráðabirgðafríverslunarsamning vegna vöruviðskipta. Samningurinn hefði aðeins tekið gildi ef Bretland hefði gengið úr ESB án útgöngusamnings og felur í sér að núverandi tollkjör hefðu í grundvallaratriðum haldið áfram að gilda fyrir inn- og útflutning til og frá Bretlandi.

Loftferðir

Nauðsynlegt er að tryggja að ekki verði rask á flugi milli Íslands og Bretlands. Lendingarréttindi hafa verið tryggð sama hvað gerist í viðræðum Bretlands og ESB með tvíhliða loftferðasamningi á milli Íslands og Bretlands sem hægt er að beita með skömmum fyrirvara ef EES-reglur hætta að gilda um Bretland.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira