Hoppa yfir valmynd

Umsókn í ungmennaráð heimsmarkmiða Sameinuðu þjóðanna 2019-2020

Óskað er eftir umsóknum í ungmennaráð heimsmarkmiða Sameinuðu þjóðanna frá ungmennum á aldrinum 13 til 18 ára víðs vegar að af landinu. Valdir verða tólf fulltrúar í ráðið sem munu fræðast og fjalla um heimsmarkmiðin ásamt því að vinna og miðla gagnvirku efni á samfélagsmiðlum um markmiðin og sjálfbæra þróun. Ungmennaráðið veitir jafnframt stjórnvöldum, í gegnum verkefnastjórn heimsmarkmiðanna, aðhald og ráðgjöf við innleiðingu markmiðanna. Ungmennaráðið er skipað í eitt ár í senn og mun funda alls sex sinnum, þar af einu sinni með ríkisstjórn.

Umsóknarfrestur er til og með 13. maí 2019.

Ef umsóknarformið birtist ekki hér að ofan er þetta tengill til að opna það í nýjum glugga

Ef upp koma vandamál við útfyllingu umsóknar eða ef spurningar vakna, er hægt að senda póst á ungmennarad[hjá]for.is

Um ungmennaráð heimsmarkmiðanna

Ungmennaráð heimsmarkmiðanna tók til starfa í apríl 2018. Ráðið fundar sex sinnum á ári en þar að auki hefur starfandi ungmennaráð tekið þátt í fjölmörgum viðburðum á síðastliðnu ári. Má þar meðal annars nefna þátttöku í Hringborði Norðurslóða í Hörpu, heimsþingi kvenleiðtoga, friðarráðstefnu Höfða friðarseturs og hátíðarhöldum í tengslum við fullveldisafmæli Íslands þann 1. desember síðastliðinn.

Stofnun ungmennaráðsins er í samræmi við sáttmála ríkisstjórnarinnar þar sem kveðið er á um að framfylgja skuli ákvæðum Barnasáttmála Sameinuðu þjóðanna, meðal annars um aukin áhrif barna í samfélaginu. Eitt af meginstefum heimsmarkmiðanna er jafnframt samvinna hagsmunaaðila. Með stofnun ungmennaráðs um heimsmarkmiðin er leitast við að gefa ungmennum vettvang til að vekja athygli á heimsmarkmiðunum og sjálfbærri þróun og skapa þannig jafningjum tækifæri til að láta rödd sína heyrast um fyrrgreind málefni.

Nánar um ungmennaráðið

Nánari upplýsingar um heimsmarkmiðin má finna á heimsmarkmidin.is.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira