Hoppa yfir valmynd
Stjórnunarstörf

Verkstjóri með ríka gæðahugsun

Verkstjóri með ríka gæðahugsun

Þjónustusvið Landspítala auglýsir laust til umsóknar starf verkstjóra flutningaþjónustu á Landspítala frá 1. janúar 2021 eða eftir samkomulagi. Um er að ræða dagvinnu, virka daga og er starfsstöð á spítalanum í Fossvogi. Flutningaþjónustan er hluti af þjónustudeild sem sinnir fjölbreyttri og mikilvægri þjónustu við deildir, sjúklinga og gesti spítalans. Í flutningaþjónustunni starfa um 30 manns og sjá um flesta innri flutninga á spítalanum. Í einingunni í Fossvogi starfa 13 manns. Helstu verkefni felast m.a. í flutningi sjúklinga milli deilda og á sýnum, blóðeiningum, pósti og hraðsendingum. Einingin sér einnig um að dreifa vörum og líni til deilda og hirða frá þeim sorp og lín, ásamt rúmaþjónustu en í henni felst þrif, sótthreinsun og uppábúningur rúma. Verkstjóri ber ábyrgð á daglegri þjónustu og mönnun hennar. Hann stuðlar að góðum starfsanda og góðri og öruggri þjónustu sem deildir spítalans geta stólað á. Hann greinir frávik í þjónustu og leitar leiða til að þau endurtaki sig ekki. Hann tekur á frammistöðu, mætingum og framkomu en á um leið auðvelt með að hrósa starfsmönnum fyrir vel unnin störf. Verkstjóri sinnir einnig almennum verkefnum, eins og aðrir starfsmenn, þegar á þarf að halda. Leitað er að kraftmiklum og þjónustulunduðum einstaklingi sem á auðvelt með mannleg samskipti og hefur ríka gæðahugsun. Reynsla af verkstjórn og gæðamálum er nauðsynleg. Reynsla af sambærilegu starfi á heilbrigðisstofnun æskileg. Við bjóðum líflegt starf hjá traustum vinnuveitanda, góðan starfsanda, gott mötuneyti og öflugt starfsmannafélag. Við hvetjum konur jafnt sem karla til að sækja um.

Helstu verkefni og ábyrgð

  • Ábyrgð á daglegri þjónustu
  • Gæðamál og eftirfylgni umbótaverkefna
  • Samskipti við viðskiptavini
  • Mönnun þjónustunnar, skráning vinnutíma, skipulagning vakta

Hæfnikröfur

  • Hæfni í mannlegum samskiptum
  • Góð tölvukunnátta
  • Góð íslenskukunnátta
  • Rík gæða- og þjónustuhugsun
  • Reynsla af verkstjórn og gæðamálum nauðsynleg
  • Reynsla af sambærilegu starfi á heilbrigðisstofnun æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Tekið er mið af jafnréttisstefnu Landspítala við ráðningar á spítalanum. Upplýsingar um fyrri störf og starfsreynslu skal skrá í umsóknarformið. Öllum umsóknum verður svarað. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

  • Vinnutímaskipulag: Dagvinna
  • Starfshlutfall: 100%
  • Starfssvið: Stjórnunarstörf
  • Stéttarfélag: Sameyki
  • Umsóknarfrestur er til: 24.11.2020

Nánari upplýsingar veitir

Geir Þórðarson - [email protected] - 825 5177

Sjá INNLIT/ Fjölbreytt störf hjá flutningaþjónustu Landspítala

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira