Hoppa yfir valmynd
Heilbrigðisþjónusta

Deildarstjóri sálfélagslegrar þjónustu við Heilbrigðisstofnun Suðurnesja HSS

Deildarstjóri sálfélagslegrar þjónustu við Heilbrigðisstofnun Suðurnesja HSS

Laus er til umsóknar 100% staða deildarstjóra sálfélagslegrar þjónustu við Heilbrigðisstofnun Suðurnesja. Um er að ræða ótímabundið starf og æskilegt að viðkomandi geti hafið störf þann 1. febrúar 2021.
Undanfarin ár hefur mikil þróunarvinna átt sér stað innan sálfélagslegrar þjónustu heilsugæslunnar. Framundan eru spennandi verkefni við innleiðingu nýrrar stefnu HSS sem meðal annars leggur áherslu áframhaldandi þróun og samstarf í gegn um teymisvinnu innan heilsugæslusviðs, sem krefst lausnamiðaðrar hugsunar, nýsköpunar og samstarfs. Ábyrgðasvið stjórnenda á HSS er þrískipt, fjárhagsleg, fagleg og á sviði mannauðs.
Á HSS starfa nú 10 sálfræðingar, fjölskyldufræðingur og geðhjúkrunarfræðingur sem sinna geðþjónustu fyrir börn, unglinga og fullorðna. Við bjóðum upp á fjölbreytt, krefjandi og skemmtilegt starf í þverfaglegu umhverfi með læknum, hjúkrunarfræðingum og öðru fagfólki.

Helstu verkefni og ábyrgð


Deildarstjóri hefur umsjón með sálfræði- og geðteymum og þjónustu þeirra.
Hann ber ábyrgð á faglegri stjórnun og handleiðslu sálfræðinga í klínískri vinnu með börnum og fullorðnum.
Hann kemur að sálfræðilegri greiningu og meðferð skjólstæðinga.
Hann ber ábyrgð á gæða- og verklagsstarfi, stefnumótun og framtíðarsýn varðandi þjónustu sálfræðinga.
Samræmir og skipuleggur störf undirmanna sinna, þekkir aðferðir mannauðsstjórnunar og beitir þeim við daglega stjórnun.
Deildarstjóri er tengiliður við samstarfsaðila þjónustunnar, bæði innan stofnunar og utan.

Hæfnikröfur


Réttindi til að starfa sem sálfræðingur á Íslandi.
Umsækjandi þarf að hafa góða þekkingu og víðtæka reynslu af greiningu geðraskana og gagnreyndum meðferðum, hjá fullorðnum og börnum.
Lögð er áhersla á jákvætt viðhorf og áhuga á fjölbreyttum, krefjandi verkefnum.
Lögð er áhersla á frumkvæði og sjálfstæði í vinnubrögðum og framúrskarandi hæfileika á sviði samskipta og samvinnu.
Æskilegt er að umsækjandi hafi reynslu af þverfaglegri teymisvinnu, handleiðslu og stjórnun.
Áhugi og geta til rannsóknarvinnu er kostur.
Góð íslenskukunnátta.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.
Sótt er um starfið rafrænt á www.hss.is undir Laus störf. Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða viðtölum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað þegar ákvörðun um ráðningu hefur verið tekin.
Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 27.000 manns.
Nánari upplýsingar veitir Alma María Rögnvaldsdóttir, framkvæmdastjóri hjúkrunar.

Starfshlutfall er 100%

Umsóknarfrestur er til og með 30.11.2020

Nánari upplýsingar veitir

Alma María Rögnvaldsdóttir - [email protected] - 422-0500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira