Hoppa yfir valmynd
Stjórnunarstörf

Gæðastjóri Heilbrigðisstofnunar Suðurnesja HSS

Gæðastjóri Heilbrigðisstofnunar Suðurnesja HSS

Heilbrigðisstofnun Suðurnesja (HSS) auglýsir nýtt og spennandi starf gæðastjóra laust til umsóknar.
Gæðastjóri ber ábyrgð og hefur yfirumsjón með gæðamálum stofnunarinnar. Um er að ræða krefjandi starf sem reynir á frumkvæði, skipulagshæfileika og samskiptahæfni. Starfshlutfall er 100%. Næsti yfirmaður verður forstjóri HSS.
Ráðið verður í starfið frá og með 1. janúar 2021.
HSS hefur gert breytingu í skipulagi og rekstri sem miðar að því að auka þjónustu við notendur, nýta betur fjármuni og bæta vinnuumhverfi starfsmanna.

Helstu verkefni og ábyrgð

Yfirumsjón með gæðamálum innan stofnunarinnar í samræmi við gæðastefnu stofnunar og gæðaáætlunar heilbrigðisráðuneytis og landlæknis.
Hefur frumkvæði að þróun í gæðamálum, gæðavísum og gæðahandbók í samráði við gæðaráð.
Skipuleggur fræðslu og annast kynningar á notkun gæðahandbókar og gæðaskjala til starfsfólks.
Ritstjórn gæðahandbókar.
Stuðlar að framkvæmd gæðastefnu stofnunarinnar ásamt gæðaráði.
Setur af stað umbótaverkefni eftir þörfum í samráði við gæðaráð og vinnur úr upplýsingum, atvikaskráningum, kvörtunum og lykiltölum til að meta árangur gæðastarfs og gæðavísa stofnunarinnar.
Sér til þess að innri úttektir á stöðu mála verði framkvæmdar, veitir leiðbeiningar og fylgir eftir ábendingum um úrbætur.
Veitir ráðgjöf og stuðning við skipulagningu gæðamála á starfseiningum.
Vinnur í nánu samstarfi við gæðaráð, boðar og skipuleggur fundi þess.
Hefur samskipti við yfirmenn starfseininga og veitir stuðning og faglega aðstoð við ritun gæðaskjala.
Sinnir samskiptum við aðrar stofnanir vegna samninga um gæðamál og hefur frumkvæði að þeim samskiptum í samvinnu við gæðaráð og framkvæmdastjórn.

Hæfnikröfur

Háskólapróf á heilbrigðissviði, framhaldsmenntun kostur.
Yfirgripsmikil reynsla af gæðamálum.
Reynsla í stjórnun æskileg.
Reynsla og þekking á starfsemi heilbrigðisstofnana og yfirsýn yfir skipulag heilbrigðiskerfisins.
Reynsla og þekking í gerð klínískra leiðbeininga og annarra gæðaskjala.
Hæfni í mannlegum samskiptum, skipulagshæfileikar sem og hæfni til að miðla þekkingu til annarra.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Sótt er um starfið rafrænt á www.hss.is undir Laus störf. Umsókn skal fylgja ítarleg náms- og starfsferilsskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað og umsækjendum tilkynnt um ráðstöfun starfsins þegar ákvörðun um ráðningu liggur fyrir. Umsóknir gilda í 6 mánuði.

  • Vinnutímaskipulag: Dagvinna
  • Starfshlutfall: 100%
  • Starfssvið: Stjórnunarstörf
  • Umsóknarfrestur er til: 30.11.2020

Nánari upplýsingar veitir

Markús Ingólfur Eiríksson - [email protected] - 422-0500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira