Hoppa yfir valmynd
Stjórnunarstörf

Deildarstjóri fasteignaþjónustu Landspítala

Deildarstjóri fasteignaþjónustu Landspítala

Þjónustusvið Landspítala auglýsir laust til umsóknar starf deildarstjóra fasteignaþjónustu til að leiða öfluga uppbyggingu og þróun deildarinnar sem fyrirhuguð er á næstu árum. Fasteignaþjónusta Landspítala er ný deild sem verður til við sameiningu fasteignadeildar og viðhaldsdeildar spítalans. Hlutverk deildarinnar er að skipuleggja, þróa, viðhalda og reka allar fasteignir spítalans, þ.e. allt húsnæði, byggingar, lóðir og tæknikerfi. Deildin sér einnig um eignaumsýslu og stjórnun smærri og stærri framkvæmda á fasteignum spítalans. Starfsemi Landspítala fer fram í um 160.000 m² húsnæðis víðs vegar á höfuðborgarsvæðinu. Starfið er stjórnunar-, uppbyggingar- og breytingastjórnunarstarf þar sem horft er til framþróunar í umgjörð og þjónustu við starfsemina, m.a. í tengslum við nýjar byggingar Landspítala við Hringbraut og nýs tækniumhverfis sem þeim fylgir. Leitað er að einstaklingi með verk- eða tæknifræðimenntun, framúrskarandi leiðtoga- og samskiptahæfni, farsæla stjórnunarreynslu og brennandi áhuga á að vinna með stjórnendum, starfsmönnum og aðilum innan og utan spítalans að framþróun, þjónustu og umbótum í fasteignamálum spítalans. Starfshlutfall er 100% og er starfið laust frá 1. janúar 2021 eða eftir nánari samkomulagi. Deildin heyrir undir kjarna aðfanga og umhverfis á þjónustusviði Landspítala.

Helstu verkefni og ábyrgð

  • Ábyrgð á faglegri þróun, starfsmannamálum og fjármálum deildarinnar
  • Stuðla að virkum og góðum samskiptum við deildir spítalans og framúrskarandi fasteignaþjónustu með rekstraröryggi og vellíðan sjúklinga og starfsmanna spítalans að leiðarljósi
  • Tryggja árangursríkt samstarf og góð samskipti innan deildarinnar, skýrt verklag, gæði og fagmennsku
  • Vinna með starfsmönnum deildarinnar að framþróun og umbótum í verklagi og tækniumhverfi starfseminnar
  • Stefnumótun deildarinnar, áætlanagerð og eftirfylgni
  • Þátttaka í umbóta- og þróunarverkefnum á kjarna og sviði

Hæfnikröfur

  • Framúrskarandi leiðtoga- og samskiptahæfileikar, jákvætt lífsviðhorf og lausnamiðuð nálgun
  • Farsæl stjórnunarreynsla úr sambærilegum störfum
  • Hæfni til að móta jákvætt vinnuumhverfi og góða liðsheild
  • Frumkvæði, drifkraftur og stefnumótandi hugsun
  • Fagleg vinnubrögð og skipulagshæfni
  • Háskólapróf á sviði verkfræði eða tæknifræði
  • Viðbótarmenntun sem nýtist í starfi er æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu Landspítala við ráðningar á spítalanum. Umsókn fylgi náms- og starfsferilskrá, auk kynningarbréfs. Öllum umsóknum verður svarað. Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

  • Vinnutímaskipulag: Dagvinna
  • Starfshlutfall: 100%
  • Starfssvið: Stjórnunarstörf
  • Umsóknarfrestur er til: 30.11.2020

Nánari upplýsingar veitir

Birna Helgadóttir - [email protected] - 543 5804
Viktor Ellertsson - [email protected] - 543 1517

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira