Hoppa yfir valmynd
Skrifstofustörf

Verkefnisstjóri doktorsnáms og rannsókna, Menntavísindastofnun Háskóla Íslands

Verkefnisstjóri doktorsnáms og rannsókna, Menntavísindastofnun Háskóla Íslands

Laust er til umsóknar fullt starf verkefnisstjóra doktorsnáms og rannsókna við Menntavísindastofnun. Stofnunin tilheyrir Menntavísindasviði Háskóla Íslands. Meginhlutverk Menntavísindastofnunar er að efla rannsóknir innan menntavísinda, stuðla að sýnileika og miðlun rannsókna, auk þess að vinna að starfsþróun á vettvangi menntamála. Starfið felur í sér fjölþætta umsýslu og uppbyggingu á doktorsnámi innan Menntavísindasviðs. Verkefnin snúa meðal annars að stuðningi og ráðgjöf við kennara, rannsakendur og doktorsnema auk þess að sinna verkefnum sem miða að hagnýtingu rannsókna og virkri samvinnu við fagvettvang. Leitað er að öflugum aðila sem verður hluti af teymi starfsfólks á Menntavísindastofnun og sem hefur mikinn áhuga á að móta og þróa skapandi og fjölbreytt rannsóknarumhverfi.

Helstu verkefni og ábyrgð

  • Að framfylgja stefnu og markmiðum doktorsnáms við Menntavísindasvið í samráði við doktorsnámsnefnd sviðs og forstöðumann Menntavísindastofnunar.
  • Að vinna að uppbyggingu doktorsskóla, stuðla að virkri þátttöku nemenda og taka þátt í alþjóðlegu samstarfi.
  • Að veita umsækjendum, doktorsnemum, leiðbeinendum og rannsakendum góða þjónustu og skilvirka ráðgjöf.
  • Umsjón með umsóknum, námsferlum og brautskráningum í doktorsnámi sviðsins.
  • Koma að því að byggja upp stuðning við doktorsnema og leiðbeinendur og skipuleggja málstofur, námskeið og fræðslu.
  • Taka þátt í að tengja saman rannsakendur og menntastofnanir, fagfélög, sveitarfélög og aðra fagaðila um rannsóknir og fagþróun.
  • Styðja við nýsköpunar- og þróunarverkefni á fræðasviðinu.

Hæfnikröfur

  • Doktorspróf á sviði menntavísinda eða skyldum fræðagreinum
  • Reynsla af starfi á sviði menntunar, æskulýðs- eða velferðarmála er kostur
  • Reynsla af rannsóknum og kennslu innan háskóla er kostur
  • Hæfni til að beita eigindlegum og megindlegum rannsóknaraðferðum
  • Reynsla af verkefnastjórnun
  • Leiðtogahæfni og frumkvæði
  • Sjálfstæði í vinnubrögðum og framúrskarandi samskiptahæfni
  • Góð íslensku og enskukunnátta í ræðu og riti

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að umsækjandi hefji störf 1. febrúar 2021 eða samkvæmt samkomulagi. Eftirfarandi gögn skulu fylgja umsókn: I. Ferilskrá II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess III. Staðfest afrit af prófskírteinum IV. Upplýsingar um umsagnaraðila Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt innan Háskólans í sex mánuði frá lokum umsóknarfrests. Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang.

  • Vinnutímaskipulag: Dagvinna
  • Starfshlutfall: 100%
  • Starfssvið: Skrifstofustörf
  • Stéttarfélag: Félag háskólakennara
  • Umsóknarfrestur er til: 30.11.2020

Nánari upplýsingar veitir

Kristín Harðardóttir - [email protected] - 525 4165
Lára Rún Sigurvinsdóttir - [email protected] - 525 5905

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira