Hoppa yfir valmynd
Stjórnunarstörf

Fjármálastjóri hjá lögreglustjóranum á höfuðborgarsvæðinu

Fjármálastjóri hjá lögreglustjóranum á höfuðborgarsvæðinu

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á að starfsfólk búi yfir þekkingu og hæfni til að takast á við fjölbreytileg verkefni. Áhersla er á traust og gagnsæi í samskiptum, jafnrétti, starfsánægju og heilbrigðan starfsanda. Gildi LRH eru TRAUST, FAGMENNSKA og ÖRYGGI.

Við embættið er laust til umsóknar starf fjármálastjóra. Við leitum að drífandi og framsýnum einstaklingi í spennandi og krefjandi starfsumhverfi.

Við ráðningar hjá LRH er tekið mið af jafnréttisáætlun embættisins.

Helstu verkefni og ábyrgð

Fjármálastjórn og reikningshald
Gerð og eftirfylgni fjárhags- og rekstraráætlana
Greining, úrvinnsla og miðlun fjárhagsupplýsinga
Umsjón með innkaupum og samningagerð, gerð þjónustusamninga og uppgjör á þeim
Ábyrgð á upplýsingatæknimálum og þróun þeirra
Dagleg stjórnun fjármáladeildar og upplýsingatækni
Situr í yfirstjórn embættisins og tekur þátt í stefnumótun

Hæfnikröfur

Háskólamenntun sem nýtist í starfi er skilyrði
Framhaldsmenntun á sviði fjármála er æskileg
Haldbær reynsla af rekstrar- og fjármálastjórnun er nauðsynleg
Þekking á opinberum rekstri og lögum um opinber fjármál
Framúrskarandi samskipta- og samstarfshæfni
Mjög góð þjónustulund, jákvætt viðhorf og sveigjanleiki
Skipulagshæfni, frumkvæði og sjálfstæð og öguð vinnubrögð
Mjög góð tölvukunnátta er nauðsynleg, þ.m.t. Excel, Power BI og annar Microsoft hugbúnaður
Góð þekking á upplýsingatækniumhverfi og áhugi á þróun á því sviði
Þekking á Orra fjárhagskerfi er kostur
Góð íslensku- og enskukunnátta

Óskað er eftir að umsókn fylgi greinargóð ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknarinnar og rökstyður hæfni sína í starfið.

Vakin er athygli á því að engan má ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsfólk lögreglu verða almennt að njóta. Til þess að staðreyna þetta er lögreglu heimild að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr. 90/1996.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin. Athygli er vakin á því að umsóknir munu gilda í 6 mánuði frá því að umsóknarfrestur rennur út.

  • Vinnutímaskipulag: Dagvinna
  • Starfshlutfall: 100%
  • Starfssvið: Stjórnunarstörf
  • Umsóknarfrestur er til: 01.12.2020

Nánari upplýsingar veitir

Halldór Halldórsson - [email protected] - 444-1000
Eygló Huld Jónsdóttir - [email protected] - 444-1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira