Hoppa yfir valmynd
Kennsla og rannsóknir

Lektorsstaða í fjölmiðlafræði við Háskólann á Akureyri

Lektorsstaða í fjölmiðlafræði við Háskólann á Akureyri

Háskólinn á Akureyri auglýsir lausa 100% stöðu lektors í fjölmiðlafræði við félagsvísindadeild hug- og félagsvísindasviðs.

Helstu verkefni og ábyrgð

Helstu verkefni eru kennsla á bakkalár-, meistara- og doktorsstigi og rannsóknir á sviði félagsvísinda. Næsti yfirmaður er deildarformaður félagsvísindadeildar. Starfsstöð er á Akureyri.
Miðað er við að viðkomandi geti hafið störf 1. ágúst 2021. Ráðningartími er tímabundinn til fimm ára en viðkomandi getur óskað eftir ótímabundinni ráðningu að þeim tíma liðnum samkvæmt reglum nr. 258/2016 um störf dómnefndar og ráðningar akademískra starfsmanna við Háskólann á Akureyri. Framgangur í stöðu dósents eða prófessors kemur til greina við ráðningu hafi umsækjandi hæfi til þess að mati dómnefndar.
Félagsvísindadeild og námsbraut í fjölmiðlafræði
Við félagsvísindadeild HA er boðið upp á BA nám í almennum félagsvísindum, fjölmiðlafræði, nútímafræði og lögreglufræði, rannsóknatengt meistaranám í félagsvísindum, meistaranám í fjölmiðla- og boðskiptafræði (í samstarfi við HÍ) og doktorsnám í félagsfræði. Nemendur við deildina eru um 500 og 16 kennarar í 15 stöðugildum.
BA nám í fjölmiðlafræði byggir á þverfaglegum grunni. Námsleiðin er fræðilegt félags- og hugvísindanám með ívafi námskeiða sem draga fram starfsaðferðir fjölmiðla og fjölmiðlafólks. Námið felur að því leyti í sér blöndu þess sem kalla mætti annars vegar blaðamennsku og miðlun efnis en hins vegar fjölmiðla- og boðskiptafræði.

Hæfnikröfur

  • Leitað er eftir háskólakennara sem kennt getur inngangsnámskeið í fjölmiðlafræði sem og sérhæfð námskeið á einhverjum af undirsviðum fjölmiðlafræðinnar. Þar má meðal annars nefna blaðamennsku, siðfræði og fagmennsku, pólitíska miðlun, fjölmiðlakenningar, fjölmiðlasögu, miðlalæsi og rannsóknaraðferðir í fjölmiðlafræði. Sérþekking á sviði nýmiðlunar er æskileg, svosem á innri miðlunarrökum netmiðla og samfélagsmiðla.
    Brýnt er að umsækjendur taki virkan þátt í daglegu akademísku samfélagi háskólans og nærsamfélagsins á Norðurlandi.
    Umsækjendur skulu vera með doktorspróf í fjölmiðlafræði eða öðrum félagsvísindum með áherslu á einhverju sviði fjölmiðlafræði frá viðurkenndum háskóla, sbr. 1. mgr. 16. gr. laga nr. 85/2008 um opinbera háskóla. Kennslureynsla á háskólastigi telst æskileg og birtingar á alþjóðlegum, ritrýndum vettvangi eru nauðsynlegar. Við mat á umsóknum er tekið mið af hversu vel viðkomandi uppfyllir þarfir félagsvísindadeildar.

    Umsókn skal fylgja:
  • Greinargóð skýrsla um náms- og starfsferil, fræðistörf og kennslureynslu.
  • Staðfest afrit af öllum viðeigandi prófskírteinum.
  • Greinargerð um fyrirhugaðar rannsóknaráherslur og kennslusvið ef til ráðningar kæmi.
  • Umsagnir um kennslu- og stjórnunarstörf umsækjanda eftir því sem við á.
  • Tilnefna skal þrjá meðmælendur, æskilegt er að einn þeirra sé næsti yfirmaður í núverandi starfi eða fyrra starfi umsækjanda.
  • Þær fræðilegu ritsmíðar sem umsækjandi telur sín bestu verk (allt að þremur ritum). Þegar fleiri en einn höfundur stendur að innsendu ritverki skal umsækjandi gera grein fyrir framlagi sínu til verksins.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Sá umsækjandi sem ráðinn verður þarf að öðlast vald á íslensku á starfstímanum í samræmi við málstefnu háskólans. Meðferð umsókna, mat á hæfi umsækjenda og ráðning í starfið er í samræmi við ákvæði laga nr. 85/2008 um opinbera háskóla, reglur nr. 387/2009 fyrir Háskólann á Akureyri og reglur nr. 258/2016 um störf dómnefndar og ráðningar akademískra starfsmanna við Háskólann á Akureyri. Ófullnægjandi umsóknir eru ekki teknar til greina. Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu í starfið hefur verið tekin.

Starfshlutfall er 100%

Umsóknarfrestur er til og með 15.02.2021

Nánari upplýsingar veitir

Kjartan Ólafsson - [email protected] - 460 8665
Þóroddur Bjarnason - [email protected] - 661 6099

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira