Hoppa yfir valmynd
Heilbrigðisþjónusta

Hjúkrunarfræðingur á blóð- og krabbameinslækningadeild

Hjúkrunarfræðingur á blóð- og krabbameinslækningadeild

Viltu vera með í að móta sterka og öfluga deild og taka virkan þátt í þróun og uppbyggingu deildarinnar? Við viljum ráða hjúkrunarfræðing með framúrskarandi færni í samskiptum, skapandi hugsun og metnað í starfi. Við bjóðum jafnt velkominn reynslubolta sem og nýútskrifaðan hjúkrunarfræðing í okkar góða hóp því við teljum gott að hafa breidd í þekkingu og reynslu. Við leggjum áherslu á að taka vel móti nýju starfsmönnum og veita góða og markvissa aðlögun. Starfið veitist frá 1. febrúar 2021 eða samkvæmt nánara samkomulagi. Á deildinni fer fram sjúkdómsgreining og krabbameinsmeðferð sjúklinga með blóðsjúkdóma og krabbamein auk stuðningsmeðferðar í tengslum við aukaverkanir. Margvísleg tækifæri eru til að þróa með sér góða þekkingu á krabbameinshjúkrun og hæfni í sjálfstæðum vinnubrögðum sem og tækifæri til náms. Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari upplýsingar).

Helstu verkefni og ábyrgð

  • Veita einstaklingshæfða hjúkrun, ráðgjöf og stuðning til einstaklinga og aðstandenda þeirra
  • Skipuleggja og veita fræðslu til aðstandenda
  • Þátttaka í þverfaglegri teymisvinnu
  • Virkur þátttakandi í þróun og uppbyggingu deildarinnar

Hæfnikröfur

  • Íslenskt hjúkrunarleyfi
  • Framúrskarandi samstarfshæfni, færni í samskiptum og frumkvæði í starfi
  • Sjálfstæði í vinnubrögðum
  • Stuðlar að góðum starfsanda
  • Áhugi á að starfa í þverfaglegu teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum. Starfið auglýst 5. janúar 2021. Umsóknarfrestur er framlengdur til og með 29. janúar 2021. Umsókn fylgi náms- og starfsferilskrá ásamt afriti af prófskírteini og starfsleyfi. Öllum umsóknum verður svarað. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50-100%

Umsóknarfrestur er til og með 29.01.2021

Nánari upplýsingar veitir

Ragna Gústafsdóttir - [email protected] - 824 5931

Handleiðsla og fræðsla á starfsþróunarári (myndskeið)

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira