Hoppa yfir valmynd
Löggæslustörf

Lausar stöður lögreglumanna

Lausar stöður lögreglumanna

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á að starfsfólk búi yfir þekkingu og hæfni til að takast á við fjölbreytileg verkefni. Gildi LRH eru TRAUST, FAGMENNSKA og ÖRYGGI.

Við embætti lögreglustjórans á höfuðborgarsvæðinu eru lausar til umsóknar 43 stöður lögreglumanna á vöktum. Gert er ráð fyrir að lögreglustjóri setji í stöðurnar frá og með 1. maí 2021 með skipun í huga að 6 mánaða reynslutíma loknum.

Umsækjandi skal hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar.

Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til að sækja um.

Helstu verkefni og ábyrgð

Í samræmi við reglugerð nr. 1051-2006 um starfsstig innan lögreglu; að m.a. halda uppi lögum og reglu í samræmi við lög, reglur og fyrirmæli, tryggja réttaröryggi borgara með störfum sínum og framkomu, greiða götu þeirra eftir því sem við á og aðstoða þegar hætta steðjar að eða slys ber að höndum, sinna verkum sem lögreglustjóri felur honum, s.s. á sviði forvarna og annars.

Hæfnikröfur

Góð samskipta- og samvinnuhæfni
Góð þjónustulund
Lausnamiðað og jákvætt viðhorf
Sveigjanleiki og drifkraftur
Aukin menntun sem nýtist í starfi er kostur

Þess er vænst að umsækjandi hafi reynslu af störfum þar sem reynt hefur á þessa eiginleika.

Þess er óskað að umsókn fylgi ítarleg og vönduð ferilskrá og kynningarbréf.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um setningu liggur fyrir.

Vakin er athygli á að engan má skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr.90/1996.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Starfið er vaktavinna og unnið er eftir valfrjálsu vaktakerfi.
Sækja skal um stöðurnar rafrænt á starfatorg.is.

Starfshlutfall er 100%

Umsóknarfrestur er til og með 08.03.2021

Nánari upplýsingar veitir

Eygló Huld Jónsdóttir - [email protected] - 444-1000
Sigríður Gisela Stefánsdóttir - [email protected] - 444-1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira