Hoppa yfir valmynd
HeilbrigðisþjónustaVestfirðirHeilbrigðisstofnun Vestfjarða

Yfirsálfræðingur

Yfirsálfræðingur

Heilbrigðisstofnun Vestfjarða auglýsir til umsóknar stöðu yfirsálfræðings á heilsugæslu. Starfinu er skipt á milli geðheilsuteymis stofnunarinnar og þjónustu við börn. Aðalstarfsstöðin er á Ísafirði en gert er ráð fyrir að sálfræðingur veiti þjónustu tvo til þrjá daga í mánuði á Patreksfirði. Unnið er að því að geðheilbrigðisþjónusta verði í boði í öllu umdæmi stofnunarinnar, meðal annars með fjarheilbrigðisþjónustu og kemur til greina að sálfræðingur vinni að hluta til í fjarvinnu. Næsti yfirmaður er yfirlæknir heilsugæslu.

Helstu verkefni og ábyrgð

  • Þjónusta við skjólstæðinga á Ísafirði, Patreksfirði og í gegnum fjarheilbrigðisþjónustu.
  • Samstarf við aðrar fagstéttir heilsugæslunnar og geðheilbrigðisþjónustu á svæðinu.
  • Samstarf við skóla og félagsþjónustu á svæðinu, sem og við Barna- og unglingageðdeild Landspítalans.
  • Þátttaka í frekari innleiðingu á fjarheilbrigðisþjónustu.
  • Þátttaka í uppbyggingu geðheilsuteymis.
  • Handleiðsla í boði

Hæfniskröfur

  • Klínískt nám í sálfræði og starfsleyfi frá Embætti landlæknis
  • Þekking og reynsla á gagnreyndum aðferðum
  • Reynsla af greiningu og meðferð barna og fullorðinna með geðrænan vanda
  • Framúrskarandi samskiptahæfni
  • Jákvæðni og frumkvæði í starfi
  • Áhugi, geta og faglegur metnaður til að starfa bæði sjálfstætt og í teymi
  • Góð almenn tölvukunnáttu Íslenskukunnátta er skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Á Heilbrigðisstofnun Vestfjarða starfa um 250 manns sem veita almenna heilbrigðisþjónustu á heilsugæslu-, hjúkrunar- og sjúkrasviði. Heilsugæslustöðvar eru á Ísafirði og Patreksfirði og heilsugæslusel í öllum byggðakjörnum heilbrigðisumdæmisins. Á Ísafirði er öflugt og fjölskylduvænt samfélag með ótal möguleikum fyrir fjölskyldufólk. Öflugur tónlistarskóli, fjölbreytt íþróttastarf og stutt í náttúruna.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Boðið er upp á góða aðlögun í upphafi starfs. Aðstoð við öflun húsnæðis og húsnæðishlunnindi eru í boði. 

Öllum umsóknum verður svarað þegar ráðning hefur verið ákveðin. Umsókn getur gilt í allt að 6 mánuði.

Starfshlutfall er 100%

Umsóknarfrestur er til og með 03.06.2021

Nánari upplýsingar veitir

Súsanna Björg Ástvaldsdóttir - [email protected] - 450-4500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira