Hoppa yfir valmynd
SérfræðistörfHöfuðborgarsvæðiðTryggingastofnun ríkisins

Verkefnastjóri á upplýsingasviði - umsóknarfrestur framlengdur

Verkefnastjóri á upplýsingasviði - umsóknarfrestur framlengdur

Tryggingastofnun (TR) óskar eftir að ráða verkefnastjóra á upplýsingasvið. Leitað er eftir drífandi verkefnastjóra með sterkan tæknilegan bakgrunn sem sýnir frumkvæði að nýjungum og endurbótum í upplýsingakerfum. Framundan eru fjölbreytt og krefjandi verkefni með áherslu á frekari stafræna þróun og sjálfvirknivæðingu við afgreiðslu. Viðkomandi þarf að geta hafið störf sem fyrst eða eftir nánara samkomulagi.

 

Helstu verkefni og ábyrgð

  • Umsjón með rekstri, framþróun og nýsmíði upplýsingakerfa
  • Greining og hönnun hugbúnaðarlausna
  • Frumkvæði að nýjungum og endurbótum í upplýsingakerfum
  • Umsjón, eftirfylgni og samhæfing upplýsingatækniverkefna
  • Áætlanagerð og kostnaðareftirlit
  • Samskipti þvert á stofnunina, við ytri aðila og birgja
  • Vinna með stjórnendum við að tryggja framgang verkefna og fjarlægja hindranir
  • Aðstoð við notendur upplýsingakerfa

Hæfniskröfur

  • Háskólapróf á sviði tölvunarfræði, verkfræði eða sambærilegt háskólapróf sem nýtist í starfi.  Meistarapróf er kostur
  • Að lágmarki þriggja ára reynsla í verkefnastjórnun hugbúnaðarverkefna
  • Reynsla af Agile aðferðafræðinni kostur
  • Sjálfstæð vinnubrögð, frumkvæði og metnaður til að ná árangri í starfi
  • Greiningarhæfni og skipulagshæfileikar
  • Framúrskarandi samskiptahæfni og mikil þjónustulund
  • Góð kunnátta í íslensku og ensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Áhugasamir einstaklingar, óháð kyni, eru hvattir til að sækja um. Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og hæfni viðkomandi í starfið rökstudd. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu hefur verið tekin. 

Hlutverk Tryggingastofnunar er að framfylgja lögum um almannatryggingar, lögum um félagslega aðstoð og lögum um málefni langveikra barna auk þess að sinna öðrum verkefnum sem stofnuninni eru falin hverju sinni. 

TR hefur hlotið jafnlaunavottun skv. ÍST 85:2012.  Starfsmönnum TR er boðið upp á nútímalega vinnuaðstöðu með fyrsta flokks tæknibúnaði. Gildi stofnunarinnar eru traust, samvinna og metnaður. Nánari upplýsingar um Tryggingastofnun má nálgast á www.tr.is.

Starfshlutfall er 100%

Umsóknarfrestur er til og með 25.05.2021

Nánari upplýsingar veitir

Hermann Ólason - [email protected] - 560 4400
Þórólfur Rúnar Þórólfsson - [email protected] - 560 4400

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira