Hoppa yfir valmynd
HeilbrigðisþjónustaHöfuðborgarsvæðið

Aðstoðardeildarstjóri á gigtar- og almennri lyflækningadeild á Landspítala

Aðstoðardeildarstjóri á gigtar- og almennri lyflækningadeild á Landspítala

Við sækjumst eftir framsæknum hjúkrunarfræðingi með brennandi áhuga á hjúkrun sjúklinga á gigtar- og almennri lyflækningadeild í Fossvogi sem og áhuga á stjórnun, gæða- og umbótastarfi. Ráðið verður í starfið frá 1. júlí 2021 eða eftir nánara samkomulagi. 

Deildin er 16 rúma legudeild vegna bráðalyflækninga og sérhæfð bráðadeild fyrir gigtarsjúklinga. Á deildinni starfa um 70 manns í þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun. 

Margvísleg tækifæri eru til að þróa með sér góða þekkingu innan hjúkrunarstjórnunar, hjúkrunar sjúklinga með bráða og langvinna sjúkdóma, hæfni í sjálfstæðum vinnubrögðum sem og tækifæri til náms.

Helstu verkefni og ábyrgð

  • Vinnur í samráði við hjúkrunardeildarstjóra að skipulagningu á starfsemi deildar
  • Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu
  • Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun
  • Ber ábyrgð á starfsemi, mönnun og rekstri deildar í fjarveru og í samráði við hjúkrunardeildarstjóra
  • Er ábyrgur fyrir skipulagningu og framkvæmd hjúkrunar í fjarveru hjúkrunardeildarstjóra
  • Vinnur náið með deildarstjóra að mótun liðsheildar

Hæfniskröfur

  • Íslenskt hjúkrunarleyfi
  • Starfsreynsla sem hjúkrunarfræðingur
  • Stjórnunarþekking og leiðtogahæfni
  • Jákvætt viðmót og framúrskarandi samskiptahæfni
  • Skipulögð, vönduð og öguð vinnubrögð
  • Þekking á tölvukerfum Landspítala
  • Þekking á þjónustuþáttum Landspítala
  • Þekking á verkefnastjórnun og umbótastarfi er æskileg
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og hjúkrunarleyfi auk kynningarbréfs. Ákvörðun um ráðningu byggist á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur, aðstoðardeildarstjóri hjúkrun

Starfshlutfall er 80-100%

Umsóknarfrestur er til og með 14.06.2021

Nánari upplýsingar veitir

Gerður Beta Jóhannsdóttir - [email protected] - 825 9546

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira