Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Hjúkrunarfræðingur Heilsugæslan Grafarvogur

Hjúkrunarfræðingur Heilsugæslan Grafarvogur

Heilsugæslan Grafarvogi auglýsir eftir hjúkrunarfræðingi til starfa frá 1. ágúst 2021 eða eftir nánara samkomulagi. 

Um er að ræða ótímabundið 100% starf. Á stöðinni eru starfandi sérfræðingar í heimilislækningum, sérnámslæknar, sálfræðingar, hjúkrunarfræðingar, ljósmæður og ritarar. Heilsugæslan Grafarvogi er hverfisstöð og er ætlað að veita íbúum almenna, samfellda og aðgengilega heilbrigðisþjónustu. Starfsemi heilsugæslunnar er í örri framþróun þar sem áhersla er lögð á náið samstarf fagstétta og teymisvinnu. Nánari upplýsingar um starfsemi stöðvarinnar má finna á vef Heilsugæslu höfuðborgarsvæðisins (www.heilsugaeslan.is).

Helstu verkefni og ábyrgð

Hjúkrunarfræðingur vinnur undir stjórn fagstjóra hjúkrunar. Helstu verkefni verða heilsuvernd, vaktþjónusta og skólahjúkrun. Starfið krefst sjálfstæðra vinnubragða, góðrar samskiptahæfni, jákvæðs viðhorfs og sveigjanleika. Góð tölvukunnátta er nauðsynleg og reynsla af Sögukerfi æskileg.

Hæfniskröfur

- Íslenskt hjúkrunarleyfi 
- Reynsla af heilsugæsluhjúkrun og/eða skólahjúkrun er kostur 
- Reynsla og áhugi að vinna með börnum skilyrði 
- Framúrskarandi samskiptahæfni 
- Faglegur metnaður 
- Reynsla af og áhugi á teymisvinnu 
- Sveigjanleiki og sjálfstæði í starfi 
- Góð íslenskukunnátta skilyrði og góð almenn tölvukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja ítarleg náms- og starfsferilsskrá ásamt kynningarbréfi. Jafnframt skal leggja fram leyfisbréf og staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.

Starfshlutfall er 100%

Umsóknarfrestur er til og með 18.06.2021

Nánari upplýsingar veitir

Sigurósk Edda Jónsdóttir - [email protected] - 513-5622
Sveinbjörn Auðunsson - [email protected] - 513-5600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira