Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Málastjóri - Geðheilsuteymi HH suður

Málastjóri - Geðheilsuteymi HH suður

Heilsugæsla höfuðborgarsvæðisins leitar eftir starfsmanni í starf málastjóra við Geðheilsuteymi HH suður sem er þverfaglegt meðferðarteymi. Teymið er til húsa að Bæjarlind 1-3. Um er að ræða tímabundið 80-100% starf til eins árs með möguleika á framtíðarstarfi. Æskilegt er að viðkomandi geti hafið störf 1.september eða eftir nánara samkomulagi. 

Við Geðheilsuteymi HH suður  starfa reynslumiklir einstaklingar í þéttri og góðri samvinnu sem vinna að málum þjónustuþega í jákvæðu og hvetjandi starfsmumhverfi. Áhersla er lögð á að veita einstaklingsmiðaðan stuðning og handleiðslu. Unnið er eftir batahugmyndafræði þar sem einstaklingsmiðuð þjónusta ýtir undir styrkleika og bjargráð notenda. Í teyminu starfa hjúkrunarfræðingar, geðlæknir, sálfræðingar, fjölskyldufræðingar, félagsráðgjafar, iðjuþjálfi, íþróttafræðingur, notendafulltrúi og þjónustufulltrúi. 

Helstu verkefni og ábyrgð

  • Sinna málastjórn, þ.e. hafa umsjón og yfirsýn yfir meðferð og úrræði ákveðins notendahóps
  • Vinna í þverfaglegu meðferðarteymi
  • Samþætta meðferð og leita leiða til að bæta líðan þjónustuþega
  • Setja fram meðferðaráætlun og sinna reglulegu endurmati
  • Námskeiðahald
  • Sinna ráðgjöf og fræðslu til þjónustuþega og aðstandenda
  • Viðtöl á starfsstöð og/eða í heimavitjunum
  • Skipulagning og þátttaka í fjölskyldufundum
  • Samstarf við aðra fagaðila innan sem og utan stofnunar

Hæfniskröfur

  • Háskólamenntun á heilbrigðissviði
  • Starfsleyfi frá Landlækni
  • Viðbótarnám eða sérnám er æskilegt
  • Reynsla af vinnu með einstaklinga með geðraskanir skilyrði
  • Reynsla af teymisvinnu er æskileg
  • Klínísk reynsla innan geðheilbrigðiskerfisins s.l. 3 ár skilyrði
  • Framúrskarandi samskiptahæfni, framsýni og metnaður í starfi skilyrði
  • Frumkvæði í starfi og góðir skipulagshæfileikar
  • Hæfni og geta til að starfa í þverfaglegu teymi
  • Faglegur metnaður og ábyrgð í starfi
  • Reynsla af fræðslu- og námskeiðahaldi æskileg
  • Hæfni og áhugi á verkefnavinnu
  • Góð íslenskukunnátta og góð almenn tölvukunnátta skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindarstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 80-100%

Umsóknarfrestur er til og með 14.06.2021

Nánari upplýsingar veitir

Íris Dögg Harðardóttir - [email protected] - 513-6380

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira