Hoppa yfir valmynd
LöggæslustörfHöfuðborgarsvæðið

Varðstjórar á fjarskiptamiðstöð hjá embætti ríkislögreglustjóra

Varðstjórar á fjarskiptamiðstöð hjá embætti ríkislögreglustjóra

Við embætti ríkislögreglustjóra eru lausar til umsóknar fjórar stöður varðstjóra í fjarskiptamiðstöð ríkislögreglustjóra (FMR), Skógarhlíð í Reykjavík.  Gert er ráð fyrir því að setja í stöðurnar til reynslu í 6 mánuði frá og með 15. ágúst 2021 með skipun í huga að loknu reynslutímabili.

Helstu verkefni og ábyrgð

Starfsemi FMR er allan sólarhringinn allt árið um kring. Starfsmenn FMR veita lögreglumönnum úti á vettvangi aðstoð í formi leiðbeininga, upplýsinga o.fl., taka á móti neyðarsímtölum og tilkynningum til lögreglu, annast útkallsstýringu alls útkallsliðs lögreglu og stýra fyrstu aðgerðum lögreglu þegar hættu ber að höndum. Þá er FMR aðgerðarstjórnstöð ríkislögreglustjóra vegna öryggismála. Auk þess sinnir FMR vöktun Sirene skrifstofu og vaktar önnur upplýsinga- og samskiptakerfi tengd alþjóðasamskiptum utan venjubundins dagvinnutíma. FMR er samtengd starfsemi Samhæfingar- og stjórnstöðvar almannavarna (SST) og er hluti af áhöfn hennar.

Hæfniskröfur

  • Próf frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar.
  • Tveggja ára starfsreynsla sem lögreglumaður að lágmarki.
  • Skipulagshæfni og frumkvæði.
  • Gott vald á íslensku máli í ræðu og riti auk kunnáttu í ensku.
  • Góð tölvukunnátta, t.d. reynsla af notkun fjarskipta- og tölvubúnaðar og þekking á lögreglukerfinu (LÖKE).
  • Geta til að vinna með rafrænar upplýsingar, t.d. vinna með upplýsingar af samfélagsmiðlum og veraldarvefnum.
  • Góðir skipulagshæfileikar, hæfni í mannlegum samskiptum og geta til að vinna undir álagi.
  • Reynsla af stjórnun innan lögreglu er kostur.
  • Þekking á Schengen-upplýsingakerfinu er kostur.
  • Kostur að viðkomandi sé starfandi lögreglumaður.
  • Haldgóð þekking á lögreglustörfum og reynsla af vettvangsstjórnun er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Ráðningakjör eru samkvæmt kjarasamningi Landssambands lögreglumanna og fjármálaráðherra f.h. ríkissjóðs. Starfshlutfall er 100%. Starfið er vaktavinna í svokölluðu valfrjálsu vaktkerfi sem innifelur í sér morgunvaktir dagvaktir, kvöldvaktir og næturvaktir.

  • Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um.
  • Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is, undir liðnum  ¿Eyðublöð - Ýmis leyfi¿. Með umsóknum skal fylgja ítarleg ferilskrá, afrit af prófskírteinum og kynningarbréf þar sem gerð er grein fyrir ástæðu umsóknar, hæfni til að sinna starfinu miðað við þær hæfniskröfur sem settar eru fram í auglýsingu.
  • Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.

Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Starfshlutfall er 100%

Umsóknarfrestur er til og með 21.06.2021

Nánari upplýsingar veitir

Ágústa Hlín Gústafsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira