Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðilæknir í endurhæfingarlækningum á Landspítala

Sérfræðilæknir í endurhæfingarlækningum á Landspítala

Laust er til umsóknar starf sérfræðilæknis í endurhæfingarlækningum við endurhæfingardeild Landspítala á Grensási. Til greina kæmi að ráða í starfið sérfræðilækni úr öðrum sérgreinum með reynslu af endurhæfingarlækningum og þá helst taugaendurhæfingu. Starfið veitist frá 1. september 2021 eða eftir nánara samkomulagi. 

Á Grensásdeild er veitt sérhæfð heilbrigðisþjónusta fyrir fjölbreyttan hóp sjúklinga sem eiga það sameiginlegt að hafa tapað færni, tímabundið eða varanlega vegna slysa eða veikinda. Áhersla er lögð á góða þjónustu, virka teymisvinnu og stöðugar umbætur í þágu sjúklinga. 

Helstu verkefni og ábyrgð

  • Starf á sólarhringsdeild, dagdeild og göngudeild ásamt bakvaktaþjónustu
  • Læknisfræðileg þjónusta við sjúklinga eftir heilablóðfall, heilaskaða, mænuskaða, útlimamissi og fjöláverka 
  • Samráðskvaðningar á deildum Landspítala 
  • Þátttaka í kennslu og vísindastörfum í samvinnu við yfirlækni 
  • Önnur umsjónarverkefni í samvinnu við yfirlækni 

Hæfniskröfur

  • Íslenskt sérfræðileyfi í endurhæfingarlækningum 
  • Reynsla af sjúkrahústengdri endurhæfingu, reynsla í taugaendurhæfingu er æskileg 
  • Reynsla í kennslu og vísindavinnu 
  • Faglegur metnaður, frumkvæði og sjálfstæði í vinnubrögðum 
  • Samskiptahæfni og hæfileiki til að starfa í teymi 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins. Tekið er mið af jafnréttisstefnu Landspítala við ráðningar á spítalanum. 

Í umsóknarformið skal skrá inn upplýsingar um: 
» Fyrri störf, menntun og hæfni 
» Félagsstörf og umsagnaraðila

Nauðsynleg fylgiskjöl: 
» Vottað afrit af námsgögnum og starfsleyfum 
» Ferilskrá þar sem tilgreind er reynsla af kennslu, vísindavinnu og stjórnunarstörfum 
» Yfirlit yfir birtar vísindagreinar (eða í ritrýni) sem umsækjandi er fyrsti höfundur að 
» Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið hér og vistar, fyllir það út og sendir með umsókn.  

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Sérfræðilæknir, læknir, 

Starfshlutfall er 100%

Umsóknarfrestur er til og með 10.08.2021

Nánari upplýsingar veitir

Guðrún Karlsdóttir - [email protected] - 841 2070

Umsókn um læknisstöðu - umsóknareyðublað Embættis landlæknis

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira