Hoppa yfir valmynd
Önnur störfHöfuðborgarsvæðið

Aðstoðarmaður á rannsóknastofu við Lífeðlisfræðistofnun

Aðstoðarmaður á rannsóknastofu við Lífeðlisfræðistofnun

Laust er til umsóknar fullt starf aðstoðarmanns á rannsóknarstofu Lífeðlisfræðistofnunar innan Læknadeildar Heilbrigðisvísindasviðs Háskóla Íslands.

Helstu verkefni og ábyrgð

Megin hlutverk stofnunarinnar er tvíþætt. Annars vegar eru stundaðar rannsóknir í lífeðlisfræði og hins vegar er veitt aðstaða til verklegrar kennslu í faginu. Á stofnuninni er unnið að undirstöðurannsóknum á margvíslegum sviðum lífeðlisfræðinnar. Með þessum rannsóknum er aflað nýrrar þekkingar sem kemur að notum við lausn á ýmsum viðfangsefnum, bæði fræðilegum og hagnýtum.

 

Vinna og viðvera mun að einhverju leyti taka mið af skólaárinu. Viðkomandi starfsmaður mun sækja sérhannað námskeið um tilraunadýrahald fljótlega eftir ráðningu.

 

Um framtíðarstarf er að ræða og æskilegt er að viðkomandi geti hafið störf frá og með 1. nóvember 2021, eða samkvæmt nánara samkomulagi.

 

Helstu verkefni:

  • Umsjón með rannsóknarstofum og verkkennslustofum stofnunarinnar
  • Undirbúningur fyrir verklega kennslu
  • Innkaup á efnum og rekstrarvörum
  • Umsjón með tækjabúnaði, efnabirgðum og glervöru
  • Daglegt eftirlit með tilraunadýrum og aðstöðu fyrir þau
  • Aðstoð og þjónusta við rannsakendur og kennara Lífeðlisfræðistofnunar

Hæfniskröfur

  • Háskólapróf í lífeindafræði eða öðrum sambærilegum greinum lífvísinda
  • Haldbær starfsreynsla á tilraunastofu
  • Frumkvæði, sjálfstæði og nákvæmni í starfi
  • Góð almenn tölvukunnátta
  • Góð kunnátta í íslensku og ensku, bæði töluðu og rituðu máli
  • Hæfni í mannlegum samskiptum, sveigjanleiki og rík þjónustulund

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Eftirfarandi gögn skulu fylgja umsókninni:

  • Ferilskrá
  • Staðfest afrit af prófskírteinum
  • Upplýsingar um umsagnaraðila
  • Greinargerð þar sem áhuga fyrir verkefninu er lýst og fjallað um hvað umsækjandi getur lagt af mörkum til þess.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 15.09.2021

Nánari upplýsingar veitir

Þór Eysteinsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira