Hoppa yfir valmynd
HeilbrigðisþjónustaHöfuðborgarsvæðið

Þroskaþjálfi á barna- og unglingageðdeild

Þroskaþjálfi á barna- og unglingageðdeild

Þroskaþjálfi óskast til starfa á barna- og unglingageðdeild Landspítala (BUGL). Ráðið verður í starfið frá 1. september n.k. eða eftir nánara samkomulagi.

Á BUGL er veitt sérhæfð og fjölskyldumiðuð geðheilbrigðisþjónusta við börn að 18 ára aldri. Unnið er í þverfaglegum teymum og er mikil samvinna höfð við fagaðila í nærumhverfi.
Á BUGL starfa um 90 einstaklingar í fjölskylduvænu starfsumhverfi. Starfsaðlögun er markviss og einstaklingshæfð og miklir möguleikar eru til starfsþróunar og sérhæfingar.

Helstu verkefni og ábyrgð

Þroskaþjálfi starfar í þverfaglegu teymi að umönnun, greiningu og meðferð barna með geðrænan vanda. Lögð er áhersla á alúð í samskiptum og gott samstarf við foreldra/forsjáraðila. Þroskaþjálfi tekur virkan þátt í umbótastarfi og þróun þjónustu.

Hæfniskröfur

  • Starfsleyfi sem þroskaþjálfi
  • Reynsla af meðferðarstarfi er kostur en ekki skilyrði
  • Framúrskarandi færni í samskiptum og teymisvinnu
  • Faglegur metnaður, jákvætt hugarfar, frumkvæði og færni til að vinna sjálfstætt
  • Skipulagshæfni og öguð vinnubrögð
  • Hæfni til að starfa samkvæmt öryggisverkferlum deildar 
  • Góð íslenskukunnátta, í mæltu og rituðu máli
  • Góð almenn tölvukunnátta
  • Kunnátta í tungumáli stórra samfélagshópa á Íslandi sem eiga íslensku ekki að móðurmáli er kostur
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Þroskaþjálfafélag Íslands hafa gert.

Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum.

Landspítali er lifandi og fjölbreyttur vinnustaður þar sem um 6000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

starfsmerkingar: heilbrigðisþjónusta, þroskaþjálfi

Starfshlutfall er 80-100%

Umsóknarfrestur er til og með 06.08.2021

Nánari upplýsingar veitir

Sigurveig Sigurjónsd Mýrdal - [email protected] - 543 4320

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira