Hoppa yfir valmynd
HeilbrigðisþjónustaHöfuðborgarsvæðið

Sjúkraliðar - Heimahjúkrun HH

Sjúkraliðar - Heimahjúkrun HH

Heimahjúkrun Heilsugæslu höfuðborgarsvæðisins í Hafnarfirði, Garðabæ, Kópavogi og Mosfellsumdæmi óskar eftir að ráða tvo sjúkraliða í heimahjúkrun í 80-100% ótímabundið starf frá og með 1. okt næstkomandi eða eftir nánara samkomulagi. Um er að ræða dag-, kvöld-, og helgarvaktir.

Heimahjúkrun Heilsugæslu höfuðborgarsvæðisins sinnir heimahjúkrun í Kópavogi, Garðabæ, Hafnarfirði og Mosfellsumdæmi og er með aðsetur að Hlíðarsmára 17. Hlutverk heimahjúkrunar er að veita einstaklingsmiðaða hjúkrun þar sem forvarnir, heilsuvernd, heilsuefling, fagleg þekking og samstarf er höfð að leiðarljósi. Einstaklingshæfð heimahjúkrun er sérsniðin að þörfum hvers og eins.

Helstu verkefni og ábyrgð

Starfssvið í heimahjúkrun er að veita víðtæka hjúkrun í heimahúsum. Sjúkraliðar bera ábyrgð á að vinna samkvæmt hjúkrunaráætlun sem lögð er til grundvallar hjúkrunarmeðferð skjólstæðinga. Sjúkraliðar veita skjólstæðingum og aðstandendum þeirra leiðbeiningar og fræðslu. Þeim ber að sinna öðrum verkefnum sem þeim er falið af teymisstjóra og taka þátt í þróunarverkefnum og gæðastarfi innan stofnunar. Starfið er mjög fjölbreytt og gefandi. Sjúkraliði vinnur náið í teymi ásamt teymisstjóra, hjúkrunarfræðingi og öðrum sjúkraliðum. Teymisstjóri fer fyrir teyminu. Sjúkraliði mun hafa bifreið til afnota á vinnutíma.

Hæfniskröfur

- Íslenskt sjúkraliðaleyfi 

- Reynsla af heimahjúkrun æskileg 

- Mikil samskiptahæfni 

- Faglegur metnaður og áhugi á að vinna við heimahjúkrun 

- Sjálfstæði í starfi 

- Gilt ökuleyfi 

- Hreint sakavottorð 

- Góð íslensku og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar, Álfabakka 16, 109 Reykjavík. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið.

Starfshlutfall er 80-100%

Umsóknarfrestur er til og með 16.09.2021

Nánari upplýsingar veitir

Sigrún Kristín Barkardóttir - [email protected] - 513-6900
Hildur Sigurjónsdóttir - [email protected] - 513-6900

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira