Hoppa yfir valmynd
Önnur störfNorðurland

Umsjónarmaður hestahalds og hesthúsa

Umsjónarmaður hestahalds og hesthúsa

Við Hestafræðideild Háskólans á Hólum er laus staða umsjónarmanns hestahalds og hesthúsa. Við erum að leita eftir einstaklingi sem hefur þekkingu og reynslu af umhirðu hesta og búrekstri. Reynsla af leiðbeiningu nemenda um hestahald og reiðmennsku er kostur. 

Helstu verkefni og ábyrgð

  • Ábyrgð á hestahaldi skólabúsins, þ.e. fóðrun, hirðing og eftirlit með heilbrigði og ástandi hesta
  • Að leiðbeina og stýra starfi aðstoðarmanna á faglegan og uppbyggilegan máta
  • Virk þátttaka í rannsóknarstarfi deildarinnar og aðstoð við þá er framkvæma rannsóknir í Hestafræðideild
  • Kennsla og leiðbeiningar til nemenda varðandi hirðingu hesta og fóðrun
  • Eftirfylgni með öryggisreglum og fyrirbyggjandi aðgerðum vegna öryggismála búsins í samráði við öryggis- og staðarumsjónarmann
  • Umsjón með allri nýtingu og meðferð lands, þar með töldum girðingum
  • Umsjón með allri fóðuröflun fyrir búið og ábyrgð á að heybirgðir séu nægar og meðferð beitarlands sé til fyrirmyndar
  • Umsjón með húsum, aðstöðu og umhverfi á athafnasvæði Hestafræðideildar
  • Eftirlit og umsjón með notkun, hirðingu og viðhaldi vinnuvéla, tækja og búnaðar sem notuð eru við rekstur deildarinnar

Hæfniskröfur

  • BS gráða í búvísindum eða hestafræðum/reiðmennsku og reiðkennslu
  • Reynsla af búrekstri og hirðingu hesta
  • Mikil hæfni í mannlegum samskiptum og samstarfshæfni
  • Reynsla af rannsóknum er æskileg
  • MS gráða í búvísindum eða hestafræðum æskileg
  • Góð almenn tölvukunnátta
  • Góð íslensku- og enskukunnátta, bæði í töluðu og rituðu máli

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Hestafræðideild Háskólans á Hólum býður upp á BS nám í reiðmennsku og reiðkennslu auk meistaranáms í hestafræðum. Markmið Hestafræðideildar er að veita fagmenntun á sviði reiðmennsku, reiðkennslu, tamninga og hestahalds og að vinna að þróun og nýsköpun með rannsóknastarfsemi.

Nánari upplýsingar um starfið veitir Elisabeth Jansen deildarstjóri Hestafræðideildar  á netfanginu [email protected] eða í síma 862-3788.

Umsóknir skulu berast á starfatorgi eða á [email protected]. Með umsókn skal fylgja afrit af prófskírteinum, ferilskrá og kynningarbréf sem rökstyður áhuga og færni viðkomandi í starfið. Umsækjandi skal útvega tvenn meðmæli sem meðmælendur sendi beint á [email protected]

Starfshlutfall er 100%

Umsóknarfrestur er til og með 30.09.2021

Nánari upplýsingar veitir

Elisabeth Jansen - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira