Hoppa yfir valmynd
HeilbrigðisþjónustaHöfuðborgarsvæðið

Sjúkraþjálfari - Heimahjúkrun Heilsugæslu höfuðborgarsvæðisins

Sjúkraþjálfari - Heimahjúkrun Heilsugæslu höfuðborgarsvæðisins

Heilsugæsla höfuðborgarsvæðisins leitar eftir sjúkraþjálfara í heimahjúkrun sem staðsett er í  Hlíðasmára 17 Kópavogi. Heimahjúkrun HH sér um hjúkrun í heimahúsum fyrir íbúa í Hafnarfirði, Garðabæ, Kópavogi og Mosfellsumdæmi. Um er að ræða ótímabundið 100% starf. Viðkomandi þarf að geta hafið störf 1. desember n.k. eða eftir nánara samkomulagi. Um tvö stöðugildi er að ræða.

Hlutverk heimahjúkrunar er að veita einstaklingsmiðaða hjúkrun þar sem forvarnir, heilsuvernd, heilsuefling, fagleg þekking og samstarf er höfð að leiðarljósi. Einstaklingshæfð heimahjúkrun er sérsniðin að þörfum hvers og eins.

Helstu verkefni og ábyrgð

Sjúkraþjálfari vinnur í þverfaglegu teymi við að aðstoða skjólstæðinga við að vera eins virkir og sjálfstæðir í daglegu lífi og hægt er, þannig að þeir geti verið sem lengst sjálfbjarga á eigin heimili. Sjúkraþjálfari metur og greinir líkamlega færni og heilsu skjólstæðings sem og stoðkerfisvandamál. Hann veitir stuðning og ráðgjöf til skjólstæðinga og aðstandenda þeirra varðandi hreyfingu og þjálfun sem stuðla að færni skjólstæðings til að sinna daglegum þörfum sínum. Sjúkraþjálfari skipuleggur og veitir þjónustu á sínu fagsviði í samráði við teymi. Lögð er áhersla á aðgengilega þjónustu og að skjólstæðingar séu virkir í meðferð. Sjúkraþjálfari tekur virkan þátt í þverfaglegu samstarfi, handleiðslu, fræðslu og starfsmannafundum. Hann vinnur sjálfstætt við athuganir mat og ráðgjöf.

Hæfniskröfur

-Löggilt starfsleyfi frá landlækni sem sjúkraþjálfari
-A.m.k. 3 ára starfsreynsla sem sjúkraþjálfari
-Geta til að starfa sjálfstætt
-Reynsla af sjúkraþjálfun aldraðra æskileg 
-Þekking á áhugahvetjandi samtalstækni
-Mikil hæfni í mannlegum samskiptum 
-Góð íslensku og enskukunnátta                                                                                                                                                                                           

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar hjá Heilsugæslu höfuðborgarsvæðisins, Álfabakka 16, 109 Reykjavík. Öllum umsóknum verður svarað þegar ákvörðun um ráðningu hefur verið tekin.

Starfshlutfall er 100%

Umsóknarfrestur er til og með 17.09.2021

Nánari upplýsingar veitir

Sigrún Kristín Barkardóttir - [email protected] - 513-6900
Hildur Sigurjónsdóttir - [email protected] - 513-6900

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira