Hoppa yfir valmynd
HeilbrigðisþjónustaHöfuðborgarsvæðiðLandspítali

Starfsmaður óskast í býtibúr á lyflækningadeild

Starfsmaður óskast í býtibúr á lyflækningadeild

Laus eru til umsóknar tvö störf í býtibúri á bráðalyflækningadeild í Fossvogi. Um er að ræða annars vegar 100% starf á 8 tíma vöktum og hins vegar 50% starf á 4 tíma vöktum á tímabilinu 8-20. Lágmarksaldur umsækjanda 20 ár. Störfin eru laus nú þegar eða eftir nánara samkomulagi.

Við leitum eftir jákvæðum og þjónustulunduðum liðsmönnum, með góða samskipta- og samstarfshæfni. Deildin er 16 rúma bráðalegudeild almennra lyflækninga og einnig sérhæfð bráðadeild fyrir gigtarsjúklinga. Á deildinni starfa um 70 manns í þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun. Við leggjum áherslu á að taka vel á móti nýjum starfsmönnum og veita góða og markvissa aðlögun.

Helstu verkefni og ábyrgð

  • Umsjón með býtibúri og kaffistofu starfsmanna
  • Aðstoða við máltíðir sjúklinga
  • Pantanir og frágangur á vörum og líni
  • Önnur tilfallandi störf í samráði við deildarstjóra

Hæfniskröfur

  • Góð samskiptahæfni
  • Þjónustulund og jákvæðni
  • Sjálfstæði og skipulögð vinnubrögð
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Efling stéttarfélag hafa gert.

Vegna tímabundins niðritíma í ráðningarkerfinu sunnudaginn 17.10.2021 verður umsóknarfrestur framlengdur til og með 19.10.2021.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Starfsmaður

Starfshlutfall er 50-100%

Umsóknarfrestur er til og með 19.10.2021

Nánari upplýsingar veitir

Ragna María Ragnarsdóttir - [email protected] - 825 5080

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira