Hoppa yfir valmynd
SérfræðistörfHöfuðborgarsvæðiðRíkislögreglustjóri

Sérfræðingur í alþjóðamálum hjá embætti ríkislögreglustjóra

Sérfræðingur í alþjóðamálum hjá embætti ríkislögreglustjóra

Embætti ríkislögreglustjóra leitar að öflugum sérfræðingi til starfa í teymi Alþjóðadeildar. Við leitum að einstaklingi sem hefur starfað á alþjóðlegum vettvangi, tekið þátt í alþjóðlegu samstarfi og hefur brennandi áhuga á að starfa í síkviku umhverfi.

Alþjóðadeild annast alþjóðleg boðskipti og alþjóðasamskipti á sviði löggæslu og starfrækir m.a. Sirene-skrifstofu og upplýsingakerfi Schengen. Alþjóðadeild er jafnframt þjónustuskrifstofa fyrir Europol, Interpol og PTN auk þess sem samvinna er við lögreglu og tollgæslu auk ýmissa verkefna tengdum erlendri lögreglusamvinnu.

Helstu verkefni og ábyrgð

  • Ber ábyrgð á vinnslu og greiningu erinda sem berast frá erlendum lögregluyfirvöldum og tryggir að þau fari í viðeigandi ferli.
  • Fylgist með nýjungum og framþróun á sviði alþjóðasamskipta og samvinnu löggæslustofnana og kemur að innleiðingu þeirra.
  • Tekur þátt í verkefnum og teymisvinnu sem snúa að starfsemi alþjóðadeildar.
  • Ber ábyrgð á ákveðnum málaflokkum.
  • Kemur fram fyrir hönd alþjóðadeildar á innlendum og erlendum vettvangi.
  • Sinnir upplýsingaöflun, samskiptum og samstarfi við innlend og erlend lögreglulið.

Hæfniskröfur

  • Háskólamenntun sem nýtist í starfi
  • Góð færni til að tjá sig í ræðu og riti á íslensku og ensku
  • Mjög góð samskipta- og samstarfshæfni
  • Hæfni til að vinna sjálfstætt sem og hluti af teymi
  • Frumkvæði, skipulagshæfni og sjálfstæði í vinnubrögðum

Aðrir starfstengdir þættir

  • Góð færni í einu Norðurlandamáli
  • Góð færni í frönsku og/eða spænsku
  • Talnalæsi og reynsla af tölfræðilegri úrvinnslu
  • Reynsla af alþjóðlegu samstarfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Upplýsingar um vinnustaðinn 

Embætti ríkislögreglustjóra er lifandi vinnustaður þar sem starfa tæplega 200 starfsmenn sem sinna fjölbreyttum verkefnum. Við leggjum áherslu á opin og jákvæð samskipti, markvissa starfsþróun og vinnum í samræmi við stefnu embættisins um samræmingu fjölskyldulífs og vinnu. 

Embætti ríkislögreglustjóra er ríkisstofnun sem heyrir undir dómsmálaráðuneytið. Ríkislögreglustjóri hefur með höndum samhæfingu og samræmingu í störfum lögreglu og annast ákveðna miðlæga þjónustu við lögregluembættin. Ríkislögreglustjóri hefur einnig með höndum sérstök verkefni samkvæmt lögreglulögum nr. 90/1996 og í samræmi við nánari ákvörðun ráðherra. 

Umsóknargögn

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist til að sinna starfinu í samræmi við þær hæfniskröfur sem fram koma í auglýsingu.

Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um. Embætti ríkislögreglustjóra hefur hlotið jafnlaunavottun. Öllum umsóknum verður svarað að loknum ráðningum. Umsóknir geta gilt í 6 mánuði frá lokum umsóknarfrests. 

Laun eru samkvæmt kjarasamningi fjármálaráðuneytis og hlutaðeigandi stéttarfélags. Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu. Einnig þurfa umsækjendur að uppfylla kröfur til að fá öryggisvottun á grundvelli reglugerðar nr. 959/2012

 

Starfshlutfall er 100%

Umsóknarfrestur er til og með 22.10.2021

Nánari upplýsingar veitir

Karl Steinar Valsson - [email protected] - 4442500
Ágústa Hlín Gústafsdóttir - [email protected] - 4442500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira