Hoppa yfir valmynd
SérfræðistörfHöfuðborgarsvæðiðBarnaverndarstofa

Lögfræðingur

Lögfræðingur

Barnaverndarstofa óskar eftir að ráða lögfræðing í fullt starf. Verkefni stofnunarinnar munu aukast til muna um næstkomandi áramót við gildistöku laga um samþættingu þjónustu í þágu farsældar barna nr. 86/2021 og laga um Barna- og fjölskyldustofu. Barnaverndarstofa í núverandi mynd verður lögð niður og Barna- og fjölskyldustofa tekur til starfa þann 1. janúar 2022 sem verður leiðandi í samþættri þjónustu við börn á landinu öllu. 

Helstu verkefni og ábyrgð

  • Lögfræðileg ráðgjöf og fræðsla um túlkun og framkvæmd laga og reglugerða.
  • Ráðgjöf og fræðsla vegna samþættrar þjónstu við börn.
  • Aðkoma að afgreiðslu umsókna um úrræði Barnaverndarstofu.
  • Þátttaka í þverfaglegu starfi Barnaverndarstofu á sviði stefnumótunar og afgreiðslu einstakra verkefna.

Hæfniskröfur

  • Meistara- eða embættispróf í lögfræði.
  • Góð þekking á mannréttindum og stjórnsýslurétti.
  • Reynsla af málum er varða þjónustu við börn.
  • Nákvæm og skipulögð vinnubrögð.
  • Frumkvæði í starfi og geta til að vinna undir álagi.
  • Krafa um góða íslenskukunnáttu í rituðu og töluðu máli.
  • Krafa um góða enskukunnáttu í rituðu og töluðu máli og æskileg kunnátta í einu Norðurlandamáli.
  • Reynsla af barnavernd er æskileg.

Persónulegir eiginleikar

  • Mikilvægt er að búa yfir hæfni til að vinna skipulega, markmiðatengt og lausnamiðað.
  • Lögð er áhersla á sjálfstæði í vinnubrögðum.
  • Mikilvægt að búa yfir góðri samstarfshæfni, sveigjanleika og jákvæðu viðhorfi til skjólstæðinga og samstarfsaðila. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Allar umsóknir gilda í sex mánuði ef starf losnar að nýju. Æskilegt er að viðkomandi geti hafið störf sem fyrst. Vakin er athygli á að Barnaverndarstofa aflar sjálf upplýsinga úr sakaskrá áður en viðkomandi hefur störf hjá stofnuninni. Barnaverndarstofa hvetur alla til að sækja um, óháð kyni. Tekið er mið af jafnréttisáætlun Barnaverndarstofu við ráðningar á stofuna.  

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. 

 

Starfshlutfall er 100%

Umsóknarfrestur er til og með 22.10.2021

Nánari upplýsingar veitir

Guðrún Þorleifsdóttir - [email protected] - 5302600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira