Hoppa yfir valmynd
HeilbrigðisþjónustaHöfuðborgarsvæðiðLandspítali

Fjölbreytt og líflegt starf hjá rekstrarþjónustu Landspítala

Fjölbreytt og líflegt starf hjá rekstrarþjónustu Landspítala

Rekstrarþjónusta Landspítala vill ráða til starfa öflugan starfsmann sem finnst gaman að þjónusta og vera á hreyfingu. Starfið er unnið í vaktavinnu og felst í ýmsum flutningastörfum innan veggja spítalans, aðallega á vörum, mat og sorpi. Starfsstöð er ýmist við Hringbraut og í Fossvogi. 


Hjá rekstrarþjónustu starfa um 70 manns að fjölbreyttri og mikilvægri þjónustu við deildir, sjúklinga og gesti spítalans. Starfsmenn rekstrarþjónustu starfa eftir þjónustustefnu þar sem markmiðið er að vera til fyrirmyndar í þjónustu. Við bjóðum lífleg störf hjá traustum vinnuveitanda, góðan starfsanda, gott mötuneyti og 36 stunda vinnuviku.

Við viljum ráða jákvæðan, þjónustulipran einstakling sem er samviskusamur, nákvæmur og sveigjanlegur og sem hefur gaman af því að hreyfa sig í vinnunni. Unnið er á dag-, kvöld- og næturvöktum. Góð íslenskukunnátta er áskilin og viðkomandi skal hafa gilt ökuskírteini og reynslu af akstri beinskiptra bíla.

Helstu verkefni og ábyrgð

  • Flutningaþjónusta
  • Aðstoð í vörumóttöku og almennum flutningum
  • Önnur tilfallandi verkefni

Hæfniskröfur

  • Hæfni í mannlegum samskiptum
  • Mikil þjónustulund
  • Góð íslenskukunnátta
  • Samviskusemi í störfum og mætingu
  • Gilt ökuskírteini og reynsla af akstri beinskiptra bíla

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sérhæfður starfsmaður, flutningsþjónusta, bílstjóri

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Viktoría Jensdóttir - [email protected]
Viktor Smári Hafsteinsson - [email protected] - 543 1358

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira