Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur með áhuga á hjúkrun aldraðra

Hjúkrunarfræðingur með áhuga á hjúkrun aldraðra

Öldrunarlækningadeild á Landakoti vill ráða til sín hjúkrunarfræðinga sem hafa áhuga á að sinna öldruðum. Um er að ræða deildirnar L4 og L5 sem eru sérhæfðar meðferðar- og endurhæfingardeildir sem eru opnar sjö daga vikunnar allt árið. Á deildunum er veitt sérhæfð meðferð fyrir einstaklinga með sjúkdóma sem valda skerðingu á heilastarfsemi og síðan mun líknardeild fyrir aldraða opna í byrjun desember.

Á deildinni starfa um 55 manns í þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun. Starfið er laust nú þegar eða eftir nánara samkomulagi. Í boði er einstaklingsbundin aðlögun undir leiðsögn reyndra hjúkrunarfræðinga.

Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.

Helstu verkefni og ábyrgð

  • Sérhæfð hjúkrun sjúklinga, ráðgjöf og stuðningur við einstakling og aðstandendur þeirra
  • Skráning hjúkrunar í samræmi við reglur Landspítala
  • Fylgjast með nýjungum innan hjúkrunar
  • Þverfagleg teymisvinna

Hæfniskröfur

  • Íslenskt hjúkrunarleyfi
  • Góð samskiptahæfni og sjálfstæð vinnubrögð
  • Faglegur metnaður
  • Hæfni og geta til að starfa í teymi
  • Íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 80-100%

Umsóknarfrestur er til og með 06.12.2021

Nánari upplýsingar veitir

Gunnhildur María Kildelund - [email protected] - 825 9576
Bára Benediktsdóttir - [email protected] - 824 5909

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira